ခံစားချက်
အရသာတွေထဲမှာ
ဘယ်ခံစားချက်အရသာက အကောင်းဆုံးလဲ?
-------------------------------------------------------------------------------------
လူတွေမှ မဟုတ်ဘူး၊ နတ်တွေမှာလည်း ခံစားချက်ရှိတာပဲ၊
ရသလို့ ခေါ်တယ်၊ ရသ ဆိုတာ ကျေနပ်စရာ နှစ်သက်စရာ `ရသိယတေ အဿာဒိယတေတိ ရသော` လို့ ဆိုတယ်၊ စိတ်ထဲမှာ ကျေနပ်စရာပါ။
စာပေကျမ်းဂန်မှာ ရသနှင့် ပတ်သက်ပြီးတော့ ကိုးမျိုးထုတ်ပြထားတာရှိတယ်။
လူတွေဟာ ရီတဲ့ အခါရော အရသာ မရှိဘူးလား (ရှိပါတယ် ဘုရား) အေး- ဟာသရသပဲ၊ လူတွေက ရီစရာ
မောစရာ အလွန်ကြိုက်တယ်၊ တရားပွဲတောင် ရီစရာလေး ပြောမှ၊ ရီရတယ်ဆိုရင် အရသာခံတယ်၊ တချို့
တရားသွားနာတာ ဘာလို့လဲ၊ ရီရလို့တဲ့၊ အဲဒီလို ပြောတဲ့သူက ရှိသေးတယ်။ တရားနာမှ ရီရမှာ
မဟုတ်ပါဘူး၊ လူရွှင်တော်ပြောတာ သွားနားထောင်ရင်လည်း ရီရတာပါပဲနော်။ အေး- တဟားဟားနဲ့
ရီရရင် လူတွေကလည်း ကျေနပ်နေတာပေါ့၊ အဲဒါလည်း ရသ တစ်မျိုးပဲ။
နောက်ပြီးတော့ တစ်ဦးနှင့်တစ်ဦး နှစ်သက်ပြီးတော့
ခင်မင်ကြတယ်။ ချစ်ကြိုးသွယ်ကြတယ်။ ဒါကော ရသ မဟုတ်ဘူးလား။ အဲဒါလည်း ရသ တစ်မျိုးပဲ။ ခင်ကြတယ်၊
မင်ကြတယ်၊ သံယောဇဉ် ဖြစ်ကြတယ်၊ ဒါလည်း ရသ တစ်မျိုးပဲ၊ အဲဒါကို `သိင်္ဂါရရသ` လို့ ခေါ်တယ်။
နောက်ပြီးတော့ ရသတစ်မျိုး ရှိသေးတယ်။ ဆင်းရဲ ဒုက္ခ
ကြုံနေတဲ့ ပုဂ္ဂိုလ်တစ်ယောက်ကို သနားလိုက်တာလို့ ရင်လေး မ, မပြီးတော့ ပြောကြတယ်။ သနားလိုက်တာ
သနားလိုက်တာနဲ့၊ ပွဲကြည့်ပြီးတော့ မျက်ရည်ကျတဲ့လူတောင် ရှိသေးတယ်နော်။
ရှေးတုန်းက ဇာတ်ခင်းတဲ့အထဲ ပုဏ္ဏားက မင်းသား မင်းသမီးကို
နှိပ်စက်ရင် အဲဒါကို လူတွေက သဘောတွေကျလို့၊ အဲဒါလည်း အရသာခံတာပဲ။ ခုခေတ်တော့ အဲဒီအရသာ
မခံရတော့ဘူးထင်တယ်။ ကိုးရီးယားဇာတ်ကား ကြည့်ပြီးတော့ အရသာခံတယ်၊ `ကရုဏာရသ` လို့ ခေါ်တယ်။ သနားစရာ ဝေဿန္တရာ ဇာတ်တော်ဆိုရင်
ကဏှာ ဇာလီ သားသမီးတွေ လှူလိုက်တဲ့အခါ မယ်မဒီ မိဖုရားက တစ်ခါတည်း မေ့မျောသွားတာ။ ဒါတွေကိုကြည့်ပြီး
သနားတယ်ပေါ့နော်၊ အဲဒီသနားတဲ့ စိတ်ကလေး ပေါ်တာလည်း ရသတစ်ခုပဲ။
နောက်ဇာတ်လမ်းတွေထဲမှာကြည့် - ကြမ်းကြမ်းတမ်းတမ်း
ကြမ်းပြတဲ့ လူကြမ်းဆိုတာ မပါဘူးလား၊ အေး - လူကြမ်းက ကြမ်းပြတာကိုလည်း လူတွေက ကြိုက်တယ်၊
ထိုးလားကြိတ်လား၊ တစ်ချိန်တုန်းက `ကျန်ကျောင်း`
ခေတ်စားလိုက်သေးတယ်ပေါ့၊ ဟုတ်ကဲ့လား၊ အဲဒီလို ကြမ်းပြတာတွေကိုလည်း လူတွေက ကြိုက်တယ်၊
ဒါလည်း ရသတစ်ခုပဲ။
နောက် ရဲစွမ်းသတ္တိရှိတဲ့ သူရဲကောင်း၊ လူတွေ ကြောက်စရာကို
သူကမကြောက်ဘူး၊ သတ္တိ အင်မတန် ကောင်းတယ်၊ သူရဲကောင်းကိုပြလို့ရှိရင်လည်းပဲ၊ သတ္တိရှိတာတွေ
ပြလို့ရှိရင်လည်း လူတွေက သဘောကျတယ်၊ စိတ်ထဲမှာ ခံစားရတယ်၊ `ဝီရရသ` ပဲ။
ရွံ့စရာတွေ တွေ့လို့ရှိရင်လည်း သူက ရသ တစ်မျိုးပဲ၊
နောက် အံ့သြစရာတွေ တွေ့လို့ရှိရင်လည်း ရသတစ်မျိုးပဲ၊ ကြောက်စရာတွေကလည်း ရသတစ်မျိုးပဲ၊
တစ္ဆေပုံပြင်ဆိုရင် သိပ်နားထောင်လို့ ကောင်းတာ။ သို့သော် တစ္ဆေပုံပြင်ပြောရင်း ပြောရင်းနဲ့
ပြောတဲ့လူရှေ့တိုးလာတယ်၊ လူကြားထဲ ဝင်လာတယ် နောက်ကြောမလုံဘူး၊ အဲဒီနောက်ကြော မလုံတာလေးကိုပဲ
တစ်မျိုးအရသာရှိတယ်။
လူတွေမှာ အဲဒီလိုရသတွေဆိုတာ လူ့လောကမှာ မြောက်များစွာ
ရှိတယ်တဲ့။ ဒီပြင်ရသတွေ အသာထား စိတ်ထဲမှာ ခံစားရတဲ့ရသ - ဟိုထမင်းဆိုင်က ကောင်းတယ်၊
ဒီထမင်းဆိုင်က အချက်ကောင်းတယ် ဆိုတဲ့ ရသတွေ၊ ကဲ ထားလိုက်တော့။
“လောကမှာ လူတွေကြုံတွေ့နေရတဲ့ ရသတွေထဲမှာ ဘယ်ရသ အကောင်းဆုံးလဲ၊
ဘယ်အရသာဟာ အကောင်းဆုံးလဲ?” ဆိုတဲ့ မေးခွန်းတစ်ခု မေးလာပါတယ်။
မေးတဲ့အခါမှာ မြတ်စွာဘုရားက
ဒီမေးခွန်းကိုဖြေပေးလိုက်တာကတော့ “သဗ္ဗရ
သံ ဓမ္မရသော ဇိနာတိ” ဒါလေးကို မှတ်ထားပေါ့၊ သဗ္ဗရသံ - ခံစားရတဲ့ အရာသာမှန်သမျှကို၊ ဓမ္မရသော-ဓမ္မနဲ့ ပတ်သက်တဲ့ အရသာကသာလျှင်၊ ဇိနာတိ- အနိုင်ရတယ်။
ဘာဖြစ်လို့တုန်းဆိုတော့ ကျန်တဲ့ ရသတွေရဲ့နောက်ကွယ်မှာ ရှုတ်ထွေးမှုတွေ၊ ပူလောင်မှုတွေ
အများကြီး ပါလာတယ်။ ငြိမ်းချမ်းမှုဆိုတာ မရှိဘူး၊ သနားတဲ့အချိန်မှာလည်း ရင်နာတာပါပဲ၊
ရီလာလို့ ရှိရင်လည်း ကြာတော့ မောလာတာပါပဲ။ ခုနက ရသတွေဟာ သေချာကြည့်မယ် ဆိုလို့ရှိရင်
အဆုံးထိအောင်မကောင်းဘူး၊ ကြာရှည်လည်း မကောင်းဘူး။
တရားကို အာရုံပြုပြီး၊ တရားနဲ့ ပတ်သက်ပြီး သဘာဝ တရားလေးတွေစဉ်းစားလို့ စိတ်ထဲမှာ
ကြည်နူးလာပါတယ်။ ကမ္မဋ္ဌာန်းထိုင်လိုက်ရလို့ သမာဓိစွမ်းအားတွေ ကောင်းလာလို့ စိတ်ထဲမှာ
ကြည်နူးလာပါတယ်၊ သင်္ခါရတရားတွေ ချုပ်ငြိမ်းသွားပြီး နိဗ္ဗာန်အငြိမ်းဓာတ်ကြီးကို
အာရုံပြုရလို့ စိတ်ထဲမှာ ချုပ်ငြိမ်းချမ်းသွားပါတယ်၊ အဲဒီရသမှာ အရှုတ်အထွေး တစ်ခုမှမပါဘူး၊
ဘယ်လိုမှ အားရတင်းတိမ်ခြင်းမရှိနိုင်တဲ့ အမြဲတမ်းပဲ ခံစားချင်တဲ့ ဒီလို ဓမ္မရသမျိုးကသာလျှင်
ကျန်တဲ့ ရသတွေအားလုံးကို သိမ်းချုပ်ပြီးတော့ အနိုင်ရပါတယ်ဆိုတော့ ဓမ္မရသဟာ
အကောင်းဆုံးလို့ ဒီလိုပြောတာပါ။
ဓမ္မရသကောင်းလို့ ပွဲသွားမကြည့်ဘဲနဲ့ တရားပွဲ ရောက်လာတာ၊ ဓမ္မရသကောင်းလို့
အပျော်အပါးတွေ မလိုက်စားဘဲနဲ့ ရိပ်သာသွားပြီး တရားအားထုတ်တာ ဟုတ်ကဲ့လား။ သာမန်
ပုဂ္ဂိုလ်တွေက ကြည့်မယ်ဆိုရင် `ဒီလူတွေ
ဘာလုပ်နေတုန်း၊ ငုတ်တုတ်ကြီးတွေ ထိုင်နေတယ်` ပေါ့၊ အဲဒီလိုထင်မယ်။ `ဘာများ ကောင်းတာရှိလို့တုန်း၊
ရိပ်သာသွားပြီး တစ်ယောက်တည်း ငုတ်တုတ်ကြီး ထိုင်နေတယ်၊ ဘာများ အရသာရှိပါလိမ့်` လို့ ထင်ကောင်း ထင်နေလိမ့်မယ်၊
သူ့မှာလည်း အရသာ ရှိနေတာပဲ၊ ဟုတ်ကဲ့လား။
အဲဒီ ဓမ္မရသဆိုတာကျတော့ တကယ့်ကို မဂ်ဖိုလ်နိဗ္ဗာန်အဆင့် ရောက်သွားပြီဆိုတဲ့အခါ
လုံးဝ ငြိမ်းချမ်းသွားတယ်။ ပဋာစာရီတို့ကြည့်၊ သောကအပူမီးတွေနဲ့ ရူးသွားတဲ့အဆင့်၊
သောကုမ္မတ္တကဆိုတဲ့ အရူးဘ၀ရောက်သွားတဲ့ အချိန်ထိအောင် သတိလက်လွတ်ဖြစ်သွား
ပါတယ်၊ ဓမ္မရသနဲ့ တွေ့လိုက်တဲ့အခါ ကျတော့ ပဋာစာရီဟာ အရူးပျောက်ပြီးတော့ ထာဝရငြိမ်းတဲ့
အငြိမ်းဓာတ်ကို တွေ့သွားတာ မဟုတ်လား။
ဗုဒ္ဓမြတ်စွာလက်ထက်တုန်းက သောကရောက်နေတဲ့ ပုဂ္ဂိုလ်တွေလည်း သောက
ပြေပျောက်သွားကြပါတယ်။ ဒါ ဓမ္မရသပဲ။ ဒီကနေ့ခေတ်မှာလည်း မိမိတို့ စွမ်းအားသတ္တိရှိသလောက်
တရားဓမ္မကို နှလုံးသွင်းကြလို့ သောကတွေကို ကျော်လွှားနိုင်ကြပါတယ်။ မြတ်စွာဘုရား
ကိုယ်တိုင်ကလည်း ရင်ထဲက အပူတွေကို ဖယ်ရှားပစ်နိုင်တဲ့တရားဟာ ဒီတရားပဲလို့
ပြောတယ်နော်။
ဒီဓမ္မဆိုတာ ဘာတွေတုန်းဆိုတော့ ကိုယ့်ရင်ထဲမှာရှိပြီး
ကြီးပွားလာအောင်လုပ်ရတဲ့ သတိပဋ္ဌာန်စတဲ့ ဗောဓိပက္ခိယ တရားတွေပဲ။ ဗောဓိပက္ခိယ ဆိုလို့
ဒီတရားတွေက ရိပ်သာမှာရှိတယ်လို့ သွားပြီးမအောက်မေ့နဲ့၊ လေ့ကျင့်ယူလို့ရှိရင်
ကိုယ့်ရင်ထဲမှာရမယ့် တရားတွေပေါ့။
သတိပဋ္ဌာန်မှာ သတိကို မွေးမြူပြီးတော့ ကာယပေါ်မှာ လေ့ကျင့်ယူတယ်၊ ထွက်လေ
ဝင်လေပေါ်မှာ အာရုံစိုက်ပြီးတော့ လေ့ကျင့်ယူတယ် - ကာယာနုပဿနာ၊ ကိုယ့်ရဲ့ခံစားမှုလေးပေါ်မှာ အာရုံစိုက်ပြီးတော့ လေ့ကျင့်ယူတယ်
- ဝေဒနာနုပဿနာ၊ ကိုယ့်ရဲ့
စိတ်အခြေအနေလေးပေါ်မှာ လေ့ကျင့်ယူတယ် - စိတ္တာနုပဿနာ၊
ကျန်တဲ့ သဘာဝတရားတွေပေါ်မှာ လေ့ကျင့်ယူတယ် - ဓမ္မာနုပဿနာ၊
အဲဒီလို သတိထားတတ်လာပြီဆိုရင် သတိနဲ့ဉာဏ်က တွဲလာသည့်အတွက်ကြောင့်
သတိထားလိုက်တာနဲ့ဉာဏ်က သိသိလာတယ်။ သိလာသည့်အတွက်ကြောင့် ဘာဟာ အမှန် ဘယ်ဟာ အမှား၊
ဘယ်ဟာက အကောင်း ဘယ်ဟာက အဆိုးဆိုတာ ကွဲကွဲပြားပြားကြီး သိလာတယ်။ ဒါမှ အရသာတွေကို
ပြည့်ပြည့်ဝဝ ခံစားနိုင်ကြတယ်။
ဓမ္မအရသာတွေကို ခံစားပြီ ဆိုလို့ရှိရင် မြတ်စွာဘုရားက ဟောတယ်လေ - `ဧကာယနော အယံ ဘိက္ခဝေ မဂ္ဂေါ သတ္တာနံဝိသုဒ္ဓိယာ
သောကပရိဒေဝါနံ သမတိက္ကမာယ၊ ဒုက္ခ- ဒေါမဿနံ အတ္ထင်္ဂမာယ၊ ဉာယဿ အဓိဂမာယ` ကြည့် - ရင်ထဲမှာ ပူနေတဲ့ သောက၊ ပူတာကို မခံနိုင်လို့
မျက်ရည်ကျရတာ ပရိဒေဝ၊ အဲဒါတွေကို ငြိမ်းသွားစေနိုင်တာ ဟောဒီ ဓမ္မပဲ။
ဒါကြောင့်မို့လို့ ဓမ္မရသဟာ ကောင်းတယ်လို့ ပြောတာနော်။ ကျန်တဲ့နည်းနဲ့
ငြိမ်းလို့မရဘူး၊ ဒုက္ခ ဒေါမနဿ -
ကိုယ်ဆင်းရဲမှုတွေ စိတ်ဆင်းရဲမှုတွေ လူတွေမှာ ကြုံတွေ့ရင် အဲဒီ ကိုယ်ဆင်းရဲမှု
စိတ်ဆင်းရဲမှုဆိုတဲ့ အပူတွေကိုလည်းပဲ ဟောဒီဓမ္မက ငြိမ်းစေနိုင်တယ်တဲ့။ ဒါကြောင့်မို့
ဓမ္မရသသည် ကျန်တဲ့ အရသာတွေ အားလုံးကို လွှမ်းခြုံထားနိုင်တယ်လို့ ပြောတာ။
အဲဒါကြောင့်မို့ မြတ်စွာဘုရားက `သဗ္ဗရသံ
ဓမ္မရသော ဇိနာတိ` ဆိုတဲ့ ဒီဖြေကို ပေးတာ။
ပါမောက္ခချုပ်ဆရာတော်
ဒေါက်တာအရှင်နန္ဒမာလာဘိဝံသ
(၁၂-နှစ်ကြာ အဖြေရှာခဲ့ရသော
မေးခွန်းများ တရားတော်မှ)
bwar99.blogspot.com