နှစ်သစ်ကူးလက်ဆောင် မိန့်ခွန်း
♣♣♣♣♣♣♣♣♣♣
၂၀၁၇ ဆိုတဲ့
နှစ်ဟောင်းတစ်ခုဟာ ဒီဇင်ဘာလ ၃၁ ရက်နေ့မှာ ကုန်သွားပြီ။ တစ်နှစ်ကုန်သွားပြီ၊ တစ်နှစ်ကုန်သွားတော့
နှစ်ဟောင်းကုန်ပြီလို့သာ ပြောကြတယ်။ ဇန်နဝါရီလ ၁ ရက်နေ့မှာ နှစ်သစ်သို့ ပြောင်းပြီ။
အသစ်သို့ ပြောင်းပြီလို့ ဆိုကြတယ်။ အဲဒီ အသစ်ကကော ဘယ်လောက်ခံမှာလဲ? အသစ်တိုင်း အသစ်တိုင်းဟာ
အဟောင်းတွေချည်း ဖြစ်ရမယ်ဆိုတာကို အားလုံး သတိပြုကြဖို့ လိုလိမ့်မယ်။
မြတ်ဗုဒ္ဓ မိန့်တော်မူတယ် - အချိန်သည် အချိန်ကိုစားပြီးတော့
စက္ကန့်တိုင်းဟာ အချိန်တွေကုန်နေတယ်။ စက္ကန့်တိုင်း စက္ကန့်တိုင်း အဟောင်းတွေ အဟောင်းတွေ
ကုန်ဆုံးပြီးတော့ အသစ်တွေ အသစ်တွေ ပြောင်းနေတာ။ မြတ်ဗုဒ္ဓရဲ့ အဘိဓမ္မာသဘောအရ အဲဒါကို
မြင်အောင်ကြည့်နိုင်တဲ့ သူဟာ အဟောင်းကိုရော အသစ်ကိုရော သူက လွန်မြောက်နိုင်တယ်။ အဟောင်းတွေ
ကုန်ပြီဆိုပြီး အသစ်မှာ ပျော်မွေ့နေမယ့်အစား၊ အသစ်လည်းပဲ စက္ကန့်မလပ် သူလည်း အဟောင်းအဖြစ်ပြောင်းလဲနေတယ်၊
မြစ်ထဲမှာ ရေစီးသလို စီးနေတယ်ရေကို ကြည့်လိုက်မယ်ဆိုရင်၊ အဝေးကြည့်တော့ ဒါ မြစ်ကြီးပဲ၊
အနားကပ်ပြီးတော့ တဖြေးဖြေး ကြည့်လိုက်ရင် စီးနေတဲ့ရေကို တွေ့ရလိမ့်မယ်။ မြစ်ထဲကို ခြေတစ်ချောင်းချလိုက်ရင်
ခြေထောက်ကို ထိလိုက်တဲ့ ရေသည်၊ ခြေထောက်ရဲ့ အောက်သို့လွန်မြောက်ပြီးတော့ သူ ဟောင်းသွားပြီ
ပြောင်းသွားပြီ။ ခြေထောက်မှာ ထိတိုင်းထိတိုင်းသော ရေတွေဟာ အသစ်အသစ်တွေပဲ ဖြစ်တယ်ဆိုတာကို
မြင်ကြဖို့ အရေးကြီးတယ်။
အဲဒါကြောင့် နှစ်သစ်ကူးပွဲ လုပ်ကြတဲ့ ပုဂ္ဂိုလ်တွေဟာ
မိနစ်တိုင်း နှစ်သစ်ကူးပွဲ လုပ်လို့ရတယ်။ စက္ကန့်တိုင်း နှစ်သစ်ကူးပွဲ လုပ်လို့ရတယ်။
စက္ကန့်တစ်ခုသည် အဟောင်းဖြစ်ပြီးတော့ နောက်လာတဲ့ စက္ကန့်တစ်ခုဟာ အသစ်ပဲ။ အဲဒါကို မြတ်စွာဘုရားက
ကာလသည် ကာလကိုစား၍ ကာလတွေကုန်ခဲ့ပြီ၊ အချိန်ကာလကို နိုင်အောင်စားနိုင်တဲ့ ပုဂ္ဂိုလ်ဟာ
လောကမှာ အောင်မြင်သူတစ်ယောက်ဖြစ်တယ်၊ အချိန်ကာလကို နိုင်အောင်စားဆိုတာ ဘာဆိုလိုသလဲဆိုရင်
အချိန်ရှိတိုင်း အလုပ်လုပ်နေဖို့ ပြောတာ၊ အချိန်ရှိတိုင်း အလုပ်လုပ်နေလို့ရှိရင် အဲဒီ
အလုပ်လုပ်နေတဲ့ပုဂ္ဂိုလ်ဟာ အချိန်ကို နိုင်တာပဲ။ အလုပ်မလုပ်မိလိုက်ဘူးဆိုတာနဲ့ တပြိုင်နက်
အလုပ်လုပ်နိုင်တဲ့ အချိန်ဟာ ဆုံးရှုံးသွားတာ။ ဒီတော့ ကာလကို နိုင်အောင်စားမယ်ဆိုလိုရှိရင်
အဲဒီ ပုဂ္ဂိုလ်မှာ အချိန်ကို နိုင်အောင်စားဖို့ ကာလကို နိုင်အောင်စားဖို့ လိုအပ်တဲ့
အရည်အချင်းတွေ မြတ်ဗုဒ္ဓ ပြောထားတယ်၊ ဟောထားတယ်။
လူတွေဟာ ဘယ်တိုင်းပြည်က ဘယ်လူမျိုး၊ ဘယ်ဘာသာကိုးကွယ်တဲ့
ဘယ်လူမျိုးပဲဖြစ်ဖြစ် ဘဝကို အနိုင်စားမယ်၊ လောကကို အနိုင်စားမယ်၊ အချိန်ကို အနိုင်စားမယ်ဆိုလို့ရှိရင်
- အမြဲတမ်း တက်ကြွနိုးကြားနေရမယ်။ တက်တက်ကြွကြွ နိုးနိုးကြားကြား မရှိခဲ့ရင် အဲဒီပုဂ္ဂိုလ်ကို
ကာလက လွမ်းမိုးသွားလိမ့်မယ်။ တက်ကြွနိုးကြားနေတဲ့ ပုဂ္ဂိုလ်သည် ကာလရဲ့တိုက်ပွဲ၊ ဘဝရဲ့တိုက်ပွဲမှာ
အောင်မြင်သူတစ်ယောက် ဖြစ်လာနိုင်တယ်။ အမြဲတမ်း တက်ကြွနိုးကြားနေတဲ့ စိတ်ထားရှိရမယ်။
ဒါတစ်ခုတည်းနဲ့ လုံလောက်သလား ဆိုလိုရှိရင် မလုံလောက်ဘူး။ ပြင်းပြသော ဆန္ဒ၊ ကြီးမားတဲ့
မျှော်လင့်ချက်တွေ ရှိရမယ်။ ကြီးမားတဲ့ မျှော်လင့်ချက်လည်း ရှိတယ်၊ ပြင်းပြတဲ့ ဆန္ဒလည်း
ရှိတယ်ဆိုရင် ဒီပုဂ္ဂိုလ်ဟာ အလိုလို နိုးကြားပြီးပြီ။ ကြီးမားတဲ့ ဆန္ဒလည်း မရှိဘူး၊ ပြင်းပြသော
ဆန္ဒလည်း မရှိဘူး၊ ကြီးမားတဲ့ မျှော်လင့်ချက်လည်း မရှိဘူးဆိုရင် ဒီပုဂ္ဂိုလ်ဟာ ပျင်းရိထိုင်းမိုင်းနေမှာပဲ၊
နိုးကြားတဲ့အရည်အချင်း သူမှာ မရှိနိုင်ဘူး။
အဲဒါကြောင့် အားလုံး အရေးကြီးတာကတော့ ပြင်းပြသော
ဆန္ဒ၊ ကြီးမားတဲ့ မျှော်လင့်ချက်တွေ ထားကြဖို့နဲ့၊ နောက်က နိုးကြားတက်ကြွတဲ့ စိတ်ဓာတ်နဲ့
တွန်းပို့ဖို့ လိုတယ်။ ဒါတင်မဟုတ်သေးဘူး ဆန္ဒကြီးမားတယ်၊ မျှော်လင့်ချက်ကြီးမားတယ်၊
လုံ့လဝီရိယ ပြင်းပြထက်သန်တယ်၊။ ဒါပေမယ့် စောင့်စည်းမှု မရှိရင် ဘဝဟာ ပျက်စီးတတ်တယ်။
စိတ် စောင့်စည်းမှု လိုမယ်၊ နှုတ် စောင့်စည်းမှု လိုမယ်၊ ကိုယ်အမှုအရာ စောင့်စည်းမှု လိုမယ်။
ဆိုလိုတာကတော့ စည်းကမ်း ဥပဒေမှန်သမျှကို လေးစားလိုက်နာခြင်းဟာ စောင့်စည်းမှုပဲ။ ဘဝ စည်းကမ်း၊
လူမှု စည်းကမ်း၊ နိုင်ငံတော်ရဲ့ စည်းကမ်း၊ သာသနာမှာ ဆိုလိုရှိရင် သာသနာ့ စည်းကမ်း။ စည်းကမ်းမှန်သမျှ
လိုက်နာကျင့်သုံးနိုင်တဲ့ ပုဂ္ဂိုလ်တစ်ယောက်ဟာလည်းပဲ ဘဝကို ကျော်ဖြတ်နိုင်တဲ့ ပုဂ္ဂိုလ်တစ်ယောက်ပဲ။
နောက်တစ်ခုက ဘယ်လောက်ပဲ လုံ့လ ဝီရိယ ရှိစေကာမှု၊
ပြင်းပြသော စိတ်ထား၊ တက်ကြွသော စိတ်ထား၊ နိုးကြားသော စိတ်ထား၊ ကြီးမားသော ဆန္ဒ၊ ကြီးမားတဲ့
မျှော်လင့်ချက် ဘယ်လောက်ပဲရှိရှိ၊ ခုနက ပြောထားတဲ့ စည်ကမ်း။ လောကရဲ့ စည်းကမ်းတွေ၊ လူမှုရေး
စည်းကမ်းတွေ၊ နိုင်ငံရေး စည်းကမ်းတွေ၊ နိုင်ငံတော်ရဲ့ စည်းကမ်းတွေ၊ ဘာသာ သာသနာတော်ရဲ့
စည်းကမ်းတွေ၊ ဒေသရဲ့ စည်းကမ်းတွေလည်း ရှိသေးတယ်၊ ဒေသခြင်း မတူရင် စည်းကမ်းဥပဒေတွေ၊
ဓလေ့ထုံးစံတွေ မတူတာတွေ အများကြီး ရှိသေးတယ်။ ဒီဒေသမှာ စည်းကမ်းတစ်မျိုးသည် ဟိုဒေသနဲ့
ဆိုင်ချင်မှ ဆိုင်မယ်။ ဟိုအခြားဒေသက စည်းကမ်းတစ်ခုသည် ဒီဒေသနဲ့ ဆိုင်ချင်မှဆိုင်မယ်။
အဲဒါကြောင့်မို့ ရောက်ရာအရပ်က စည်းကမ်းဥပဒေကို လိုက်နာကျင့်သုံးနိုင်မှ ကာလကို နိုင်အောင်စားနိုင်တဲ့
ပုဂ္ဂိုလ်ဖြစ်မယ်။ နို့မဟုတ်လို့ရှိရင် စည်းကမ်းဥပဒေတစ်ခု ဖောက်လိုက်တာနဲ့ ဒီပုဂ္ဂိုလ်ရဲ့ဘဝဟာ
ကျိုးပေါက်ပျက်စီးသွားနိုင်တယ်။
နောက်လိုအပ်တဲ့ အရည်အချင်းတစ်ခုက ဒမ္မ။ ဒမ္မဆိုတာ
ဒ နဲ့ မ္မ နှစ်လုံးဆင့်နဲ့ ရေးတယ်။ ဓ နဲ့ရေးတဲ့
ဓမ္မ မပြောဘူး။ ဓ နဲ့ရေးတဲ့ ဓမ္မကို ဆိုလိုတာမဟုတ်ဘူး။ ဒ နဲ့ မ္မ နှစ်လုံးဆင့်နဲ့ရေးတဲ့
ဒမ္မက ဘာလဲလို့ဆိုတော့ကာ၊ လူရဲ့ ကိုယ် နှုတ် စိတ် သုံးပါစလုံးဟာ ယဉ်ကျေးရမယ်၊ သိမ်မွေ့ရမယ်၊
လူတကာမြင်လိုက်ရင် လေးစားလောက်သော ကိုယ်အမှုအရာ၊ နှုတ်အမှုအရာ ရှိရမယ်။ ရှေးဟောင်း ဆရာတော်ကြီးတွေ
တပည့်တွေကို ဆံုးမတဲ့နေရာမှာ ပြောဆိုတဲ့ စကားတစ်ခုကို ငယ်ငယ်က ရှေးဟောင်းဆရာတော်ကြီး
ပြောတဲ့ဟာကို မှတ်သားထားဖူးတာ ရှိတယ်။ `မောင်ပဉ္ဇင်း မင်းကြည့်ရတာ မျက်လုံးကကွာ ကျီးကန်းတောင်းမှောက်သလိုပဲ
အိန္ဒြမရဘူး` ကျီးကန်း ခြင်းကြားထဲ မှောက်ထားရင်၊ တောင်းအောက်မှာ မှောက်ထားရင် အဲဒီကျီးကန်း
မျက်လုံးကို ကြည့်ကြည်။ လှုပ်လှဲခတ်နေတယ်။ ဥပတိရုပ်သွင်ရဲ့ stablely၊ စိတ်အမှုအရာရဲ့
stablely၊ နှုတ်ရဲ့ stablely၊ မျက်လုံးရဲ့ ကြည့်ပုံကြည့်နည်း stablely၊ တည်ငြိမ်ခံ့ငြားတဲ့
ကာအိန္ဒြရှိဖို့လည်းပဲ လိုအပ်တယ်။ အဲဒါကို ဒမ္မလို့ ခေါ်တယ်။
ဒီပါဠိတော်အရ ..
(၁) အမြဲတမ်း
နိုးကြားတက်ကြွနေရမယ်၊ ကာလကိုနိုင်အောင်စားဖို့၊
(၂) ပြင်းပြသော
ဆန္ဒ၊
(၃) ကြီးမားသော
မျှော်လင့်ချက်တွေ ထားရမယ်၊
(၄) စည်းကမ်းဥပဒေ၊
သတ်မှတ်ချက်မှန်သမျှ၊ လူ့စည်းကမ်း၊ သာသနာ့စည်းကမ်း၊
နိုင်ငံ စည်းကမ်း၊ ဒေသစည်းကမ်းတွေအားလုံး စောင့်စည်းလိုက်နာနိုင်ရမယ်၊
(၅) ကိုယ်
နှုတ် အမှုအရာ ယဉ်ကျေးသိမ့်မွေ့ပြီးတော့ တည်ငြိမ်ရင့်ကျက်တဲ့ ကာအိန္ဒြရှိရမယ်။
အဲဒီလို အရည်အချင်းမျိုးရှိတယ်ဆိုတဲ့ ပုဂ္ဂိုလ်ဟာ
ဘဝကို ပင်လယ်လိုသဘောထားမယ်ဆိုရင်၊ ဘဝပင်လယ်မှာ ဒီပုဂ္ဂိုလ်မျိုး မမြှပ်နိုင်ဘူး။ မုန်းတိုင်းလည်းထန်သောဘဝ၊
လှိုင်းတန်ဖိုးလည်း ပြင်းထန်သောဘဝ၊ ဒီအရည်းအချင်းတွေအားလုံး ရှိကြဖို့ လိုလိမ့်မယ်။
မုန်းတိုင်းဆိုတာ ကိလေသာ၊ ရေလှိုင်းဆိုတာကတော့ ကာမဂုဏ်၊ ကာမဂုဏ်လှိုင်းပုတ်လို့ မြှပ်မသွားရအောင်၊
မုန်းတိုင်းတိုက်လို့ မျောမသွားရအောင်၊ ခုပြောခဲ့တဲ့ အရည်းအချင်းတွေ ရှိကြဖို့ အရေးကြီးပါတယ်။
နှစ်ဟောင်းမှာပဲ ဖြစ်ဖြစ်၊ နှစ်သစ်မှာပဲ ဖြစ်ဖြစ်
ခုပြောတဲ့ အရည်းအချင်းတွေနဲ့ ပြည့်စုံမယ် ဆိုလိုရှိရင်၊ ဒီလို ပညာရှိပုဂ္ဂိုလ်တွေ၊ ဤကဲ့သို့သော
ထက်မြက်စူးရှတဲ့ပုဂ္ဂိုလ်တွေ၊ လူစွမ်းကောင်းတွေဟာ ဘဝပင်လယ်ထဲမှာ ကျွန်းတစ်ကျွန်း တည်ဆောက်နိုင်လိမ့်မယ်။
လှိုင်းပုတ်နေတဲ့ ဘဝပင်လယ်၊ မုန်းတိုင်းတိုက်နေတဲ့ ဘဝပင်လယ်မှာ ကျွန်းကလေးတစ်ကျွန်း
မှီခိုရာရလိုက်ပြီဆိုလိုရှိရင် ဒီပုဂ္ဂိုလ် မမြှပ်တော့ဘူး၊ မမျောတော့ဘူး။
သီဟိုဠ်က ဆရာတော်ကြီးတစ်ပါးက ဘယ်လောက်ထိ ပြောသလဲဆိုလိုရှိရင်
ခုပြောခဲ့တဲ့ အရည်းအချင်းတွေနဲ့ ပြည့်စုံမယ်ဆိုလို့ရှိရင် ဘဝပင်လယ်ထဲမှာ ကျွန်းတစ်ကျွန်းကို
တည်ဆောက်နိုင်ရုံ မကပဲနဲ့ သူရဲ့ ကောင်းကင်ဘုံကိုတောင် သူဖန်ဆင်းနိုင်လိမ့်မယ် လို့
ဆိုတော်မူသွားတာ ရှိပါတယ်။ အဲဒါကြောင့် ကောင်းကင်ဘုံကြီးကိုတောင် ဖန်ဆင်းနိုင်လောက်အောင်
ဘဝပင်လယ်မှာ ကျွန်းတစ်ကျွန်း ဖန်ဆင်းနိုင်ဖို့၊ တည်ဆောက်နိုင်ဖို့ ….
နှစ်တစ်နှစ်ဟောင်းလို့
နှစ်တစ်နှစ် နှစ်သစ်သို့ ပြောင်းကြတဲ့ ယခုအခါကာလမှာ အားလုံးသော နိုင်ငံသူနိုင်ငံသား
သာသနာထမ်းရှင်ရဟန်းနှင့်တကွ တိုင်းသူပြည်သားရှင်လူအများကို ဘဝပင်လယ်ထဲမှာ ကျွန်းကလေးတစ်ကျွန်းလည်း
တည်ဆောက်နိုင်ကြပါစေ၊ စွမ်းနိုင်မယ်ဆိုလို့ရှိရင်တော့ မိမိတို့ လားရာ၊ သွားရာ ကောင်းကင်ဘုံကြီးကို
ဖန်ဆင်းနိုင်ကြပါစေလို့ နှစ်ဟောင်းအကုန် နှစ်သစ်အကူးမှာ ဆုထူးတစ်ခုတောင်းပြီးတော့ အားလုံးကို
သီတဂူစန်းလပမာ ချမ်းမြသာယာရှိကြပါစေလို့ နှုတ်ခွန်းဆက်သအပ်ပါတယ် ….။
သီတဂူဆရာတော်ဘုရားကြီး
ဒေါက်တာအရှင်ဉာဏိဿရ
(၃၁.၁၂.၂၀၁၇)
မှတ်ချက်
…
အသံဖိုင်ကို
ကူးယူဖော်ပြတဲ့အတွက် အမှားအယွင်းများရှိခဲ့ပါလျှင်
မေတ္တာရှေ့ထား၍
ခွင့်လွှတ်ပေးကြပါ။
bwar99.blogspot.com