သာသနာပြုတယ် ဆိုတာ
-----------------------------------------
♦ လောကမှာ
ကောင်းတာနဲ့ပတ်သက်ပြီး
ပြုကြတာက
သာသနာပြုတာရယ်၊
ကုသိုလ်ပြုတာရယ်လို့
နှစ်မျိုးရှိပါတယ်။
♦ တချို့က
ဘုရားတည်တာကို
သာသနာပြုတယ်လို့
ထင်နေကြတယ်။
အရပ်တကာလှည့်၊
ဘုရားတကာလှည့်ပြီးတော့
အဓိဋ္ဌာန်ပုတီးတွေ
စိပ်နေတာကို
သာသနာပြုတယ်လို့
ထင်နေကြတယ်။
♦ အင်္ဂလိပ်ဆေးဆရာ၊
မြန်မာဆေးဆရာတွေ
ကုလို့ မရတော့တဲ့ရောဂါတွေ၊
ပယောဂတွေကို
ရေမန်းတွေ
ဘာတွေနဲ့ ကုသပေးနေတာကို
သာသနာပြုတယ်လို့
ထင်နေကြတယ်။
အဲဒါတွေဟာ
သာသနာပြုတာ လုံးဝ မဟုတ်ပါဘူး။
♦ ဘုရားတည်တယ်ဆိုတာ
ဘုရားနဲ့ပတ်သက်တဲ့
အထွတ်အထိပ်
ကုသိုလ်ပါပဲ။
သို့သော်
ဘုရားတည်တဲ့ ကုသိုလ်သည်ပင်လျှင်
သာသနာပြုတာ
မဟုတ်ပါဘူး။
ကုသိုလ်ပြုတာပါ။
ပြုတော့ ပြုပဲနော်။
သာသနာပြုတာ
မဟုတ်ပါဘူး။ ကုသိုလ်ပြုတာပါ။
♦ ဘုရားတည်တယ်ဆိုတာ
ဘုရားရဲ့ဆံတော်၊
ဓာတ်တော်၊
အသုံးအဆောင် စသည်
ကိန်းဝပ်ဖို့၊
သီတင်းသုံးဖို့ ကျောင်းဆောက်တာပါပဲ။
မိမိတတ်စွမ်းသမျှ
ပစ္စည်းဥစ္စာနဲ့ ဘုရားကို
ပူဇော်တာဆိုတော့
ဗုဒ္ဓပူဇာဒါနကုသိုလ်ပေါ့။
♦ သာသနာပြုတယ်ဆိုတာ ....
`သာသနာ` ဆိုတာက ဘုရား အဆုံးအမ။
`ပြုတယ်` ဆိုတာက ပြန့်ပွားအောင် လုပ်တာ။
မြတ်စွာဘုရားရဲ့ အဆုံးအမတရားတွေ
ပြန့်ပွားအောင်လုပ်မှ
သာသနာပြုတယ် လို့ခေါ်ပါတယ်။
ဆရာတော် အရှင်ဆန္ဒာဓိက
(ရွှေပါရမီတောရ)
(ခိုင်မှခိုင်
စာအုပ်မှ)
bwar99.blogspot.com
No comments:
Post a Comment