သီတင်းကျွတ်လပြည့် အဘိဓမ္မာအခါတော်နေ့

သီတင်းကျွတ်လပြည့် အဘိဓမ္မာအခါတော်နေ့

♠♠♠♠♠♠♠♠♠♠♠♠♠♠♠♠

အဘိဓမ္မာအမေးအဖြေနှင့် သိကောင်းစရာများ

♠♠♠♠♠♠♠♠♠♠♠♠♠♠♠♠♠♠♠♠♠♠

#အဘိဓမ္မာအမေးအဖြေ

မေး  ။  ။ သုံးလောကထွတ်ထား သဗ္ဗညုမြတ်စွာဘုရားသည် အဘိဓမ္မတရားကို ဘယ်အချိန် ဘယ်ကာလ ဘယ်နေရာ ဘယ်ဌာန၌ ဘယ်ရည်ရွယ်ချက်ဖြင့် ဘယ်သူတို့အား ဟောကြားတော်မူခဲ့ပါသနည်း။

ဖြေ ။  ။ သုံးလောကထွတ်ထား သဗ္ဗညုမြတ်စွာဘုရားသည် အဘိဓမ္မာတရားတော်ကို ၆ ဝါအလွန်၊ ရ ဝါအရောက် မဟာသက္ကရာဇ် ၁၀၉ ခုနှစ်တွင် တာဝတိံသာနတ်ပြည် ပင်လယ်ကသစ်ပင်ရင်း ပဏ္ဍုကမ္ဗလာကျောက်နေရာထက်၌ မယ်တော်မိနတ်ကို ကျေးဇူးဆပ်လိုသော ရည်ရွယ်ချက်ဖြင့် နတ်ဗြဟ္မာအပေါင်းတို့အား ဟောကြားတော်မူခဲ့ပါသည်။

မေး ။  ။ သဗ္ဗညုမြတ်စွာဘုရားသည် အဘိဓမ္မာတရားတော်ကို အချိန်ကာလ မည်မျှကြာအောင် ဟောတော်မူပါသနည်း။

ဖြေ ။  ။ သဗ္ဗညုမြတ်စွာဘုရားသည် အဘိဓမ္မာတရားတော်ကို ဝါတွင်းသုံးလရက်ပေါင်း ၉၀ ကြာအောင် ဟောတော်မူပါသည်။

မေး ။  ။ ဘုရားရှင်တိုင်း အဘိဓမ္မာတရားတော်ကို လူ့ပြည်၌မဟောကြားဘဲ အဘယ်ကြောင့် နတ်ပြည်မှာသာဟောကြားပါသနည်း။

ဖြေ ။  ။ အဘိဓမ္မာတရားတော်သည် သုတ္တန်ဒေသနာ, ဝိနည်းဒေသနာတော်များကဲ့သို့ လူတို့၏ အချိန်ကာလတစ်ရက်အတွင်း၌ အစ, အလယ်, အဆုံး အပြည့်အစုံပြီးအောင် ဟောကြား၍ မဖြစ်ပါ။ အဘိဓမ္မာတရား၏ ရှည်လျားသော ဒေသနာအစဉ်ကို လူသားများ ဣရိယာပုတ်တစ်ခုတည်းဖြင့် ပြီးဆုံးအောင်နာယူနိုင်သောစွမ်းရည်လည်း မရှိပါ။ လူတို့၏ အချိန်ကာလ ဝါတွင်းသုံးလသည် တာဝတိံသာနတ်တို့၏ အချိန်ကာလ တစ်ခဏမျှသာ ဖြစ်ပါသည်။ ဤအကြောင်းများကြောင့် ဘုရားရှင်တိုင်း အဘိဓမ္မာတရားတော်ကို လူ့ပြည်၌ မဟောကြားဘဲ နတ်ပြည်မှာသာ ဟောကြားရခြင်း ဖြစ်ပါသည်။

မေး ။  ။ အဘိဓမ္မာတရားကို ဝါတွင်းသုံးလ ဟောကြားရာ၌ လူသားဘုရားအနေဖြင့် နတ်အဟာရကို မှီဝဲပါသလော၊ အာဟာရကိစ္စ မည်သို့ ဖြေရှင်းပါသနည်း။

ဖြေ ။  ။ အဘိဓမ္မာတရားကို ဝါတွင်းသုံးလ ဟောကြားရာ၌ လူသားဘုရားအနေဖြင့် နတ်အာဟာရကို မမှီဝဲပါ၊ လူ့ပြည့်လူ့ရွာ မြောက်ကျွန်းသို့ ဆွမ်းခံကြွပြီး လူ့အာဟာရကိုပင် မှီဝဲသုံးဆောင်ပါသည်။

မေး ။  ။ ပကတိမြတ်စွာဘုရား ဆွမ်းခံကြွသောအခါ အဘိဓမ္မာတရားကို ဟောကြားခြင်းမှ ရပ်ဆိုင်းထားပါသလော၊ တရားဟောစဉ် အဆက်မပြတ်အောင် မည်သို့မည်ပုံ ဆောင်ရွက်တော်မူပါသနည်း။

ဖြေ ။  ။ ပကတိမြတ်စွာဘုရား ဆွမ်းခံကြွသောအခါ အဘိဓမ္မာတရားကို ဟောကြားခြင်းမှ ရပ်ဆိုင်း၍မထားပါ၊ ပကတိမြတ်စွာဘုရားကိုယ်စား တန်ခိုးတော်ဖြင့် ဖန်ဆင်းထားသော နိမ္မိတဘုရားရှင်က ဆက်၍ဟောကြားတော်မူပါသည်။

မေး ။  ။ အဘိဓမ္မာတရား ဟောကြားပုံဟောကြားနည်းများကို ဗဟုသုတအဖြစ် မှတ်သားလို၍ ရှင်းပြပေးပါ။

ဖြေ ။  ။ အဘိဓမ္မာတရား ဟောကြားပုံ ဟောကြားနည်း သုံးမျိုးရှိပါသည်။

(က) သဗ္ဗညုမြတ်စွာဘုရားက တာဝတိံသာနတ်ပြည်၌ နတ်ဗြဟ္မာ ပရိသတ်တို့အား အကျယ်နည်းဖြင့်

ဟောကြားတော်မူပါသည်။

(ခ) စန္ဒကူးတော၌ အရှင်သာရိပုတ္တရာအား အကျဉ်းနည်းဖြင့် ဟောကြားတော်မူပါသည်။

(ဂ) ဘုရားဟောကြားသော အဘိဓမ္မာတရားကို အရှင်သာရိပုတ္တရာမထေရ်က မဇ္ဈိမဒေသကို ယူဆောင်ပြီး လင့်နို့သားဖြစ်ခဲ့ဖူးသော တပည့်ရဟန်း ၅၀၀ တို့အား မကျဉ်းမကျယ် အလယ်အလတ်နည်းဖြင့်ဟောကြားတော်မူပါသည်။

မေး ။  ။ ယနေ့မျက်မှောက်ခေတ်အထိ ရဟန်းရှင်လူတို့ အဘိဓမ္မာတရားကို သင်ကြားခွင့်ရရှိနေသည်မှာ မည်သူ၏ ကျေးဇူးကြောင့် ဖြစ်ပါသနည်း။

ဖြေ ။  ။ ယနေ့မျက်မှောက်ခေတ်အထိ ရဟန်းရှင်လူတို့ အဘိဓမ္မာတရားကို သင်ကြားခွင့်ရရှိနေသည်မှာ အရှင်သာရိပုတ္တရာ၏ ကျေးဇူးကြောင့် ဖြစ်ပါသည်။

မေး ။  ။ အဘိဓမ္မာတရားကို အကြောင်းပြု၍ ဗုဒ္ဓဘာသာဝင်များအနေဖြင့် သီတင်းကျွတ်အခါ၌ မြင်းမိုရ်မီးးပွဲ ဆင်နွှဲကြပုံ ယဉ်ကျေးမှုအစဉ်အလာကို သိပါရစေ။

ဖြေ ။  ။ သဗ္ဗညုမြတ်စွာဘုရားသည် အဘိဓမ္မာတရားကို ဝါတွင်းသုံးလ ဟောကြားတော်မူရာ သီတင်းကျွတ်လပြည့်နေ့တွင် ပြီးဆုံးသောကြောင့် လူတို့နေရာ သင်္ကဿနဂိုရ်ပြည်သို့ပြန်လည်သက်ဆင်းတော်မူပါသည်။ နတ်ပြည်မှ လူပြည့်သို့ သက်ဆင်းရာ၌ - နတ်ပရိသတ်တွေက လက်ယာဘက် ရွှေစောင်းတန်း၊ ဗြဟ္မာပရိသတ်တွေက လက်ဝဲဘက် ငွေစောင်းတန်း၊ မြတ်စွာဘုရားသခင်က အလယ် ပတ္တမြားစောင်းတန်းမှ သက်ဆင်းတော်မူပါသည်။

မာတလိနတ်သားက မြတ်စွာဘုရားအနီး ဝဲဘက်တော်မှ ခစားလိုက်ပါပြီး ပဉ္စသီခနတ်သားက စောင်းတီးပူဇော်ရင်း လိုက်ပါပို့ဆောင်ပါသည်။ သိကြားမင်းက ဘုရားနောက်တော်မှ ထီးမိုးလိုက်ပါပြီး သုယာမနတ်သားက ယပ်ခတ်လို့ လိုက်ပါလာပါသည်။

အဲဒီအချိန်က ဗုဒ္ဓအသရေတော်ကို ဖူးတွေ့လိုက်ရတဲ့လူတွေဟာ ဗောဓိဆုကို ရလိုကြောင်း ဆုတောင်းသူက များပါသတဲ့။ ကုဋေပေါင်းများစွာ ကျွတ်တမ်းဝင်လိုကြတယ်လို့ ပိဋကတ်ကျမ်းဂန်တွေမှာ ဖော်ပြထားပါတယ်။ မြတ်စွာဘုရားသခင် တာဝတိံသာနတ်ပြည်မှ သင်္ကဿနဂိုရ်ပြည်သို့ ဆင်းသက်ရာ၌ မီးရှူးတန်ဆောင် အလင်းရောင်တို့ဖြင့် ထွန်းညှိပူဇော်ကြသည့်ထုံးကို နှလုံးမူ၍ နှောင်းခေတ် ဗုဒ္ဓဘာသာဝင်တို့က သီတင်းကျွတ်ချိန်တွင် မြင်းမိုရ်မီးပွဲ ထွန်းညှိပူဇော်ကြခြင်း ဖြစ်ပါသည်။

မေး ။  ။ သီတင်းကျွတ်နေ့ကို အဘိဓမ္မာအခါတော်နေ့အဖြစ် ကျင်းပရပုံ ရှင်းပြပါ။

ဖြေ ။  ။ (က) နတ်ပြည်မှာ နတ်ပရိသတ်တွေကို အကျယ်ဟောကြားပြီးဆုံးခြင်းသည်လည်း သီတင်းကျွတ်လပြည့်နေ့။

(ခ) စန္ဒကူးတော၌ အရှင်သာရိပုတ္တရာအား အကျဉ်းဟောကြားပြီးဆုံးခြင်းသည်လည်း သီတင်းကျွတ်လပြည့်နေ့။

(ဂ) အရှင်သာရိပုတ္တရာက တပည့်ငါးရာတို့အား မကျဉ်းမကျယ် အလယ်အလတ်နည်းဖြင့် သင်ကြားပို့ချပြီးဆုံးခြင်းသည်လည်း သီတင်းကျွတ်လပြည့်နေ့ ဖြစ်ပါသည်။

ဤအချက်ကို ရည်ညွှန်းပြီး သီတင်းကျွတ်လပြည့်နေ့ကို အဘိဓမ္မာအခါတော်နေ့ ကျင်းပခြင်းဖြစ်ပါသည်။

#အဘိဓမ္မာအကြောင်း သိကောင်းစရာများ

၁။ အဘိဓမ္မာတရားတော်ကို မြတ်စွာဘုရားသည် ၆ ဝါအလွန် ၇ ဝါအရောက် သက်တော် ၄၂ နှစ်အရွယ်တွင် တာဝတိံသာနတ်ပြည်၌ ဟောကြားခဲ့ပါသည်။

၂။ မယ်တော်မိနတ်ကို ကျေးဇူးဆပ်လိုသော ရည်ရွယ်ချက်ဖြင့် ဟောကြားတော်မူပါသည်။

၃။ မယ်တော်မိနတ် အမှူးပြုသော နတ်ဗြဟ္မာပရိသတ်တို့အား ဟောကြားခဲ့ပါသည်။

၎။ ဝါတွင်းသုံးလ ရက်ပေါင်း ၉၀ ကြာမျှ ဟောကြားတော်မူခဲ့ပါသည်။

၅။ မြတ်စွာဘုရားသည် နတ်ဗြဟ္မာပရိသတ်တို့အား အကျယ်နည်းဖြင့် ဟောကြား၍ အရှင်သာရိပုတ္တရာအား အကျဉ်းနည်းဖြင့် ဟောကြား၍ အရှင်သာရိပုတ္တရာက လင်းနို့သားဖြစ်ခဲ့ဖူးသော ရဟန်းငါးရာတို့အား မကျဉ်းမကျယ် အလယ်အလတ်နည်းဖြင့် ဟောကြားတော်မူပါသည်။

၆။ သုတ္တန်တရားတို့ထက် သာလွန်ထူးခြားသောတရားဖြစ်၍ အဘိဓမ္မာ ခေါ်ပါသည်။

၇။ အဘိဓမ္မာသည် ဓမ္မသင်္ဂဏီ၊ ဝိဘင်း၊ ဓာတုကထာ၊ ပုဂ္ဂလပညတ်၊ ကထာဝတ္တု၊ ယမိုက်၊ ပဋ္ဌာန်းဟူ၍ အရေအတွက် ၇ ကျမ်း ရှိပါသည်။

၈။ ကုသိုလ်, အကုသိုလ် စသောတရားတို့ကို အကျဉ်းချုပ်အားဖြင့် ဟောကြားတော်မူသောကျမ်းကို `ဓမ္မသင်္ဂဏီ` ကျမ်းဟု ခေါ်ပါသည်။

၉။ ခန္ဓာ စသောတရားတို့ကို သုတ္တန်နည်း၊ အဘိဓမ္မာနည်းတို့ဖြင့် အမေးအဖြေပြု၍ အကျယ်ဝေဖန်ဟောကြားသောကျမ်းကို `ဝိဘင်း` ကျမ်းဟု ခေါ်ပါသည်။

၁၀။ ဓာတ်အမျိုးမျိုး ဟောကြားသောကျမ်းကို `ဓာတုကထာ` ကျမ်းဟု ခေါ်ပါသည်။

၁၁။ ပုဂ္ဂိုလ်အမျိုးမျိုးတို့ကို ခွဲခြားသတ်မှတ် အမည်တပ်၍ ဟောကြားသောကျမ်းကို `ပုဂ္ဂလပညတ်` ကျမ်းဟု` 

ခေါ်ပါသည်။

၁၂။ အယူဝါဒနှင့်ဆိုင်သော စကားတို့၏ တည်ရာဖြစ်၍ အဘိဓမ္မာအနှစ်သာရတို့နှင့် ပြည့်စုံသောကျမ်းကို `ကထာဝတ္တု` ကျမ်းဟု ခေါ်ပါသည်။

၁၃။ အနုလုံနှင့် ပဋိလုံ၊ ပုစ္ဆာနှင့် ဝိသဇ္ဇနာ၊ သန္နိဋ္ဌာန်နှင့် သံသယအစုံစုံပြု၍ ဟောကြားသောကျမ်းကို `ယမိုက်` ကျမ်းဟု ခေါ်ပါသည်။

၁၄။ အကြောင်းအမျိုးမျိုးကို ဟောတော်မူသောကျမ်း၊ ကုသိုလ် စသော တရားတို့ကို ၂၄ ပစ္စည်းတို့ဖြင့်ဝေဖန်အပ်သောကျမ်း၊ သဗ္ဗညုတဉာဏ်တော်၏ ကျက်စားရာဖြစ်သောကျမ်းကို `ပဋ္ဌာန်း` ကျမ်းဟုခေါ်ပါသည်။

၁၅။ အဘိဓမ္မာတရားသည် အမိကျေးဇူးဆပ်တရားဖြစ်ပြီး နတ်ပြည်၌ ဟောကြားခြင်း၊ သုံလကြာမျှ ဟောရခြင်း၊ ပကတိဘုရားနှင့် နိမ္မိတဘုရားတို့ တစ်လှည့်စီဟောကြားခြင်းဟူသော ထူးခြားချက် လေးမျိုးနှင့် ပြည့်စုံပါသည်။

၁၆။ အဘိဓမ္မာတရားသည် ပါဠိ၏နက်နဲခြင်း၊ သဘောအဓိပ္ပါယ်၏ နက်နဲခြင်း၊ ဟောကြားပုံအစီအစဉ်၏ နက်နဲခြင်း၊ ဉာဏ်တော်၏ နက်နဲခြင်းဟူသော ဂမ္ဘီရလေးမျိုးနှင့်လည်း ပြည့်စုံပါသည်။

၁၇။ အဘိဓမ္မာတရားတော်ကို ရွတ်ဖတ်ပူဇော်ခြင်း၊ သင်ကြားနာယူရခြင်းကြောင့် လင်းနို့သားဖြစ်ခဲ့ဖူးသော ရဟန်းတော်များကဲ့သို့ နာမရူပ ပရိစ္ဆေဒဉာဏ် ရင့်သန်စေခြင်း၊ မဂ်ဖိုလ်နိဗ္ဗာန်ရောက်ရန် လမ်းကြောင်း အထောက်အပံ့ကောင်း ရနိုင်ခြင်း၊ ဘေးဥပဒ်အန္တရာယ် ကင်းဝေးခြင်း၊ ကျက်သရေမင်္ဂလာအဖြာဖြာနှင့် ပြည့်စုံခြင်းဟူသော အကျိုးတရားများကို ရရှိနိုင်ပါသည်။

သီတင်းကျွတ်လပြည့်နေ့တွင် အဘိဓမ္မာတရား ဟောကြားပြီးဆုံးသည်ကို ရည်စူး၍ ဤနေ့တွင် အဘိဓမ္မာအခါတော်နေ့ အထိမ်းအမှတ်အဖြစ်ဖြင့် ကျင်းပခြင်း ဖြစ်ပါသည်။

ဆရာတော် ဘဒ္ဒန္တပညာသာမိ (မာဂဓီ-သာစည်)

(အခါတော်နေ့များ စာအုပ်မှ)

bwar99.blogspot.com