ယုံမှ ကြည်သလို ကြည်မှလည်း ပိုယုံတာပါ
♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦
♣ သဒ္ဓါဆိုတာ
ယုံကြည်မှုပါ။
လောကရေးရာအလုပ်ပဲဖြစ်ဖြစ်၊
ဓမ္မရေးရာအလုပ်ပဲဖြစ်ဖြစ်
ယုံကြည်မှုရှိမှ
လုပ်ဖြစ်ပါတယ်၊
ယုံကြည်မှု
မရှိရင် မလုပ်ဖြစ်ပါဘူး။
ယုံကြည်မှုရှိမှ
ဦးတည်ချက်ရှိတယ်၊
ဦးတည်ချက်ရှိမှ
လုပ်ငန်းအထမြောက်ပါတယ်။
လုပ်ငန်းတစ်ခု
ပီပီပြင်ပြင် ရုပ်လုံးပေါ်ဖို့အတွက်
ယုံကြည်မှုတည်ဆောက်တဲ့အလုပ်ဟာ
အရေးကြီးဆုံးပါပဲ။
♣ `ယုံကြည်` ဆိုတဲ့ စကားလုံးကို
`ယုံ` တစ်လုံး၊ `ကြည်` တစ်လုံး၊
နှစ်လုံးခွဲလိုက်ရင်
`ယုံသဒ္ဓါ` နဲ့ `ကြည်သဒ္ဓါ` လို့
သဒ္ဓါနှစ်မျိုး
ထွက်လာပါလိမ့်မယ်။
သဒ္ဓါက နှစ်မျိုးကွဲသွားတာ
မဟုတ်ပါဘူး၊
သဒ္ဓါရဲ့ သဘောသဘာဝ၊
လုပ်ငန်းဆောင်တာ၊
အစွမ်းသတ္တိက
နှစ်မျိုးကွဲသွားတာပါ။
♣ `ယုံသဒ္ဓါ` ရဲ့ အစွမ်းသတ္တိက
ဘုရား၊ တရား၊
သံဃာ၊
ရတနာမြတ်သုံးပါးရဲ့
ဂုဏ်ကျေးဇူး၊
ကံ-ကံရဲ့
အကျိုးနဲ့ ရှေးဘဝ၊ နောက်ဘဝ၊
တမလွန်လောကကို
ယုံပါတယ်။
`ကြည်သဒ္ဓါ` ရဲ့ အစွမ်းသတ္တိက
စိတ်ကို ကိလေသာအနောက်အကျုတွေ
ကင်းပြီး
သန့်ရှင်းကြည်လင်စေပါတယ်။
♣ ယုံသဒ္ဓါက
ကြည်သဒ္ဓါကို
အထောက်အကူပြုသလို
ကြည်သဒ္ဓါကလည်း
ယုံသဒ္ဓါကို
အကူအညီပေးပါတယ်။
ယုံမှ ကြည်သလို
ကြည်မှလည်း ပိုယုံတာပါ။
ဆရာတော် အရှင်ဆန္ဒာဓိက
(ရွှေပါရမီတောရ)
(အနှိုင်းမဲ့
အဖော် စာအုပ်မှ)
bwar99.blogspot.com
No comments:
Post a Comment