ဓမ္မရဝေတောရဆရာတော် အရှင်ရာဇိန္ဒ (ရဝေနွယ်-အင်းမ)

တဒင်္ဂအေးချမ်းရာ
♣♣♣♣♣♣♣♣♣♣

​

♦ တစ်ခါတုန်းက မုတ္တာဆိုတဲ့ အမျိုးသမီးလေးတစ်ယောက် ရှိခဲ့ဖူးပါတယ်။ မုတ္တာဟာ မြတ်စွာဘုရားရှင်လက်ထက်တော်က ဆင်းရဲလှတဲ့ ပုဏ္ဏားမိသားစုရဲ့ သမီးလေးတစ်ယောက်ပါ။ အတိတ်ကုသိုလ်ကြောင့် ရုပ်ရည်လေးက လှပနေပါတယ်။ အရွယ်ရောက်လာတော့ မိဘတွေက ခါးကုန်းနေတဲ့ပုဏ္ဏားတစ်ယောက်နဲ့ အိမ်ထောင်ချပေးပါတယ်။ အိမ်ထောင်ကျတော့ ခါးကုန်းနေတဲ့ လင်ပုဏ္ဏားအိမ်ကို လိုက်သွားရပါတယ်။ ခါးကုန်းလင်ပုဏ္ဏားအိမ်ရောက်တော့ အိမ်မှုကိစ္စတွေအပြင် ကြိတ်ဆုံထဲ စပါးကို ကုန်းကုန်းထည့်ရပါတယ်။ ပြီးတော့ ကျည်ပွေ့ကို လက်နဲ့ကိုင် ကုန်းကုန်းစပါးထောင်း ဆန်ဖွတ်ရတဲ့အလုပ်ကို နေ့စဉ် လုပ်ရပါတယ်။

♦ ဒီတော့ ခါးကုန်းတဲ့လင်ရယ်၊ ခါးကုန်းပြီး ကြိတ်ဆုံထောင်းရတာရယ်၊ ခါးကုန်းပြီး ကျည်ပွေ့ကိုင်ရတာရယ် အကုန်းသုံးမျိုးနဲ့ နေ့စဉ် ပေါင်းဖက်နေရပါတယ်။ အကုန်းသုံးမျိုးနဲ့ နေ့စဉ်ပေါင်းဖက်နေရတော့ နေ့တိုင်း စိတ်ဆင်းရဲနေရပါတယ်။ လွတ်မြောက်ရာ ထွက်ပေါက်ရှာတဲ့အခါ ဘိက္ခုနီမဝတ်ပြီး ဝိပဿနာတရားအားထုတ်ရေးလမ်းကြောင်းကို စဉ်းစားမိလိုက်ပါတယ်။ ဒါကြောင့် လင်ယောက်ျားကို ခွင့်တောင်းပြီး ဘိက္ခုနီမ ဝတ်လိုက်ပါတယ်။

♦ ဘိက္ခုနီမဝတ်ပြီး ဝိပဿနာတရားကိုအားထုတ်ပေမယ့် စိတ်တွေက ဟိုရောက်ဒီရောက်နဲ့ စိတ်တွေအပြင်ထွက်နေတဲ့အတွက် သမာဓိမရဖြစ်နေပါတယ်။ ဒါကြောင့် ကိုယ့်ကိုယ်ကိုအားပေးတဲ့အနေနဲ့ “ ငါလွတ်မြောက်သူဖြစ်ပြီ၊ ငါလွတ်မြောက်သူဖြစ်ပြီ ”လို့ နှုတ်ကရွတ်ဆိုရင်း ဝိပဿနာတရားကို ဆက်လက် ကြိုးစားအားထုတ်လိုက်တာ ပဋိသမ္ဘိဒါဥာဏ်လေးပါးနဲ့ အရဟတ္တဖိုလ်ကိုရရှိပြီုး ရဟန္တာဖြစ်သွားပါတယ်။

♦ ရဟန္တာဖြစ်ပြီးတော့အောက်ပါအတိုင်း ဝမ်းသာစကားကို ကျေကျေနပ်နပ်ကြီး ကျူးရင့်လိုက်ပါတော့တယ်။
“ ငါဟာ ခါးကုန်းတဲ့လင်၊ ခါးကုန်းထောင်းထုရတဲ့ဆုံ၊ ခါးကုန်းကိုင်ရတဲ့ ကျည်ပွေ့ဆိုတဲ့ အကုန်းသုံးမျိုးတို့ကနေ အလွတ်မြောက်ကြီး လွတ်မြောက်သူဖြစ်သွားပြီ၊
ဘဝတွေကိုဆောင်တတ်တဲ့ တဏှာကို အရဟတ္တမဂ်နဲ့ အကြွင်းမဲ့ပယ်သတ်လိုက်လို့ ပဋိသန္စေ္စ္ဓ
နေခြင်း သေခြင်းတွေမှလည်း လွတ်မြောက်သူဖြစ်သွားပါပြီ။
(ထေရီအဋ္ဌကထာ၊ မုတ္တာထေရီဝတ္ထု၊ နှာ ၁၄၊ ၁၅)

​

♦ မုတ္တာအမျိုးသမီးလေးဘဝကလည်း ခါးကုန်းတဲ့လင်နဲ့ ပေါင်းနေရလို့ စိတ်ဆင်းရဲရတာကတစ်မျိုး၊ ခါးကုန်းကုန်းပြီး ကျည်ပွေ့ကိုင်၊ ခါးကုန်းကုန်းပြီး ဆန်ဖွတ်ရတဲ့ ကိုယ်ဆင်းရဲရတာကတစ်မျိုး၊ အကုန်းသုံးမျိုးနဲ့ နေ့စဉ်စိတ်ဆင်းရဲနေရတာပါ။ တွေးရုံနဲ့တင် မသက်သာလှပါဘူး။ သတ်သေဖို့လမ်းကြောင်း၊ ထွက်ပြေးဖို့လမ်းကြောင်း၊ ကွာရှင်းဖို့ လမ်းကြောင်း စတဲ့ လမ်းကြောင်းတွေကို မရွေးဘဲ အတိတ်ပါရမီတွေကြောင့် မှန်ကန်တဲ့ လမ်းကြောင်းတစ်ခုကို ရွေးလိုက်နိုင်ပါတယ်။ လမ်းကြောင်းမှန်သွားတဲ့အတွက် ထာဝရ အေးချမ်းသွားတော့တာပါ။

♦ အတိတ်ပါရမီပါခဲ့တဲ့သူတွေဟာ အခြေအနေအရ အခက်အခဲအကျပ်အတည်းနဲ့ ကျဉ်းထဲကျပ်ထဲရောက်နေရင်တောင် လမ်းကြောင်းတွေဘယ်လောက်များများ လမ်းကြောင်းမှန်ကိုရွေးမိတတ်တာ သဘာဝတစ်ခုပါ။

♦ တကယ်လို့ ကိုယ်က ပါရမီနည်းသေးလို့ မုတ္တာထေရီလို ထာဝရအေးချမ်းရာကို မလှမ်းနိုင်သေးရင်တောင် တဒင်္ဂအေးချမ်းရာကိုတော့ ရှာလို့ရပါတယ်။ တဒင်္ဂနဲ့ ထာဝရ အေးချမ်းဖို့အတွက်တော့ လမ်းကြောင်းတွေက လေးငါးကြောင်း ရှိမနေခဲ့ပါဘူး။ မြတ်စွာဘုရားရှင်က “ ဧကာယနော မဂ္ဂေါ= တစ်ကြောင်းတည်းသော သတိပဋ္ဌာန် ဝိပဿနာ တစ်လမ်းပဲ ရှိပါတယ် “လို့ ဟောကြားထားပါတယ်။ တဒင်္ဂအေးချမ်းဖို့အတွက် တစ်နေ့ကို နာရီဝက်လောက်လေး နေ့စဉ်တရားထိုင်ဖြစ်ဖို့ပါ။

 ♦ စထိုင်ထိုင်ချင်းတော့ အေးချမ်းမှုကို ချက်ချင်း ရချင်မှ ရမှာပါ။ ထိုင်စမှာ စိတ်တွေက ဟိုရောက်ဒီရောက် ဂနာမငြိမ်နဲ့ ယောက်ယက်ခတ်နေမှာပါ။ ပြီးတော့ ခဏနေပြင်ချင်လိုက်နဲ့ ခန္ဓာကိုယ်ကလည်း မတည်မငြိမ်ဖြစ်နေမှာပါ၊ တစ်နေ့ နာရီဝက် တရားထိုင်တာလေးကို စဖြစ်သွားအောင် ပထမအလေ့အကျင့် လုပ်ယူရပါမယ်။ လေ့ကျင့်ပါများသွားရင် စွဲသွားတာများပါတယ်။ ဒါကြောင့် အချိန်ကလေးတစ်ခုတော့ယူပြီး လေ့ကျင့် ယူရပါမယ်။

♦ ဒီနေရာမှာ ထိုင်တဲ့ပုံစံကလည်း အစိတ်အပိုင်းတစ်ခုအနေနဲ့ အရေးကြီးပါတယ်။ ဒီတော့ ထိုင်တဲ့ပုံစံအမျိုးမျိုးကို ပုံစံစုံ ထိုင်ကြည့်ရမှာပါ။ အဲဒီအထဲကမှ ကိုယ်နဲ့ သပ္ပါယသင့်မယ့် အဆင်ပြေမယ့် ထိုင်တဲ့ပုံစံတစ်ခုခုကို ရွေးပြီး အမြဲထိုင်သွားရမှာပါ။ ထိုင်တဲ့ပုံစံတွေက တစ်ယောက်နဲ့ တစ်ယောက် အဆင်ပြေပုံခြင်း မတူပါဘူး။ သူက ကျုံ့ကျုံ့ထိုင်တာ အဆင်ပြေပေမယ့် ကိုယ်နဲ့ကျ ပြေချင်မှ ပြေမှာပါ။ ကိုယ်က တင်ပလ္လင်ခွေထိုင်မှ အဆင်ပြေရင် တင်ပလ္လင်ခွေပဲ ထိုင်ရမှာပါ။ အထူးသဖြင့်တော့ သက်သက်သာသာနဲ့ ကြာရှည်ထိုင်နိုင်တဲ့ ပုံစံကို ရွေးချယ်ရမှာပါပဲ။ ထိုင်တဲ့ပုံစံကျနလို့ ခန္ဓာကိုယ် မလှုပ်မယှက် ငြိမ်ကျသွားပြီး မှတ်စရာ အာရုံပေါ်မှာ မှတ်သိစိတ်က တည့်တည့်ကျနေတဲ့အတွက် စိတ်ကလေးက အေးချမ်းသွားတော့တာပါ။ ခန္ဓာကိုယ်လေး မလှုပ်မယှက် ငြိမ်ကျနေတာလေးကလည်း တရားထိုင်မှုအတွက် အထောက်အကူဖြစ်သလို စိတ်အေးချမ်းမှုအတွက်လည်း တစ်စိတ်တဒေသ အထောက်အပံ့ဖြစ်စေပါတယ်။

 ♦ ဒီတော့ တဒင်္ဂစိတ်အေးချမ်းဖို့အတွက် နာရီဝက် နေ့စဉ် တရားထိုင်တာလေးကို အလေ့အကျင့် လုပ်သွားရမှာပါ။ ဘယ်အချိန်တရားထိုင်ထိုင် အဆင်ပြေပါတယ်။ ဒါပေမဲ့ မနက်အိပ်ရာထ ကိုယ်လက်သန့်စင်ပြီးတဲ့အခါ ထိုင်တာလေးက ပိုအဆင်ပြေတဲ့သဘော ရှိပါတယ်။ မနက် အိပ်ရာထဆိုတော့ အပြင်အာရုံတွေနဲ့လည်း မတွေ့ရသေးတဲ့အတွက် စိတ်ကလေးက ကြည်နေတာ များပါတယ်။ ဘဝတစ်နေ့တာကို အာရုံကောင်းနဲ့စလိုက်တဲ့သဘောပါ။

♦ ဘဝတစ်နေ့တာရဲ့ ဖြတ်သန်းမှုက အာရုံကောင်းနဲ့စတွေ့လိုက်ဖို့ သိပ်အရေးကြီးပါတယ်။ မနှစ်သက်စရာအာရုံတွေနဲ့ စတွေ့လိုက်ရရင် အဲဒီနေ့အတွက် နေရထိုင်ရတာ သက်သက်သာသာ မရှိတော့ပါဘူး။ အမြဲတမ်း အာရုံကောင်းတွေ တွေ့ဖို့လည်း မလွယ်ပါဘူး။ မကောင်းတဲ့ အာရုံတစ်ခုကြောင့် မကျေနပ်စိတ်ကလေးဖြစ်နေရင် စိတ်ပူလောင်တော့တာပါပဲ။ စိတ်ပူလောင်မှုဖြစ်တဲ့အခါ ကိုယ့်မှာရှိတဲ့ပိုက်ဆံတွေ ပိုင်ဆိုင်မှုတွေကလည်း ဘယ်လိုမှ မကူညီနိုင်တော့ပါဘူး။ စကားတစ်ခွန်းကြောင့်လည်း တွေးကြောတွေ ရှည်နေတတ်ပါတယ်။ တွေးကြောက အိပ်ရာထဲအထိပါလာရင် အိပ်မရတော့ပါဘူး။ မကျေနပ်တဲ့ တွေးကြောကြောင့် အိပ်မရတာက ပိုစိတ်ဆင်းရဲဖို့ကောင်းပါတယ်။ အိပ်ချိန်အပြည့်အဝ မရတဲ့အတွက် ကျန်းမာရေးလည်း ထိခိုက်ပါတယ်။ ကျန်တဲ့အချိန် မကျေနပ်တဲ့ တွေးကြောရှည်နေရင် အလုပ်တစ်ခု ထလုပ်ပြီး အတွေးကို ရှောင်လွှဲလို့ရပါသေးတယ်။ အိပ်ရာထဲကျတော့ ထလုပ်လိုက်ရင်လည်း အိပ်ရေးပျက်ဖို့ပဲ ရှိပါတော့တယ်။

♦ အမှန်တော့ ည ၉ နာရီထိုးရင် ဖုန်းတွေသိပ်မပြောတော့တာ ကောင်းပါတယ်။ ဖုန်းပြောရင်း မကျေနပ်တဲ့ စကားတစ်ခွန်းလောက် ကံဆိုးစွာကြားလိုက်ရရင် ည အိပ်မပျော်တော့ပါဘူး။ ကျေနပ်တဲ့စကားတစ်ခွန်း ကြားလိုက်ရပြန်ရင်လည်း ကျေနပ်ပြီးပျော်လို့မဆုံးနဲ့ အိပ်မပျော်တော့ပါဘူး။ ဒါကြောင့် ည ဖုန်းပြောတာကလည်း သတိထားစရာပါပဲ။ မကျေနပ်စိတ်ဟာ လူတစ်ယောက်ရဲ့ အေးချမ်းမှုကို သိပ်ဖျက်ဆီးတာပါ။ ဝိပဿနာသဘောအရဆိုရင်တော့ အဲဒီမကျေနပ် စိတ်ကလေးကိုပဲ ရှုရမှာပါ။ ရှုတယ်ဆိုတာ မကျေနပ်စိတ်ကလေးကို သတိဦးစီးတဲ့စိတ်နဲ့ စူးစူးစိုက်စိုက်ကလေး သိလိုက်တာပါပဲ။

♦ အထူးသဖြင့်တော့ မကျေနပ်တဲ့စိတ်ကလေးက ဘယ်လိုလဲ၊ ဘယ်လိုလေး ဖြစ်နေတာလဲဆိုပြီး သဘောလေးအထိ သိအောင် မှတ်ရမှာပါ။ “ မကျေနပ်စိတ် ဖြစ်တယ်၊ ဖြစ်တယ် ”ဆိုပြီး မှတ်ရမှာပါ။ မျက်လုံးလေးမှိတ် မှတ်ရင် မှတ်ရတာ ပိုမှတ်လို့ ကောင်းပါတယ်။ မှတ်တဲ့အခါမှာ မကျေနပ်တဲ့ စိတ်ကလေးက ပျောက်ချင်ပျောက်မယ်။ မပျောက်ချင် မပျောက်ဘူး။ ပျောက်တာ မပျောက်တာ သူ့အလုပ်ပါ။ မှတ်ရမှာက ကိုယ့်အလုပ်ပါ။ မှတ်နေရင် တရားအားထုတ်နေတာပါပဲ။ ဒီလိုပါပဲ။ လေ့ကျင့်ယူရမှာပါပဲ။

♦ စကားတစ်ခွန်းကြောင့် တွေးကြောရှည်နေပြီး အိပ်မပျော်တတ်တဲ့ ဒီသဘောလေးကို သိပြီး ကိုယ်ကလည်း တစ်ဖက်လူ တွေးကြောရှည်ပြီး အိပ်မပျော်ဖြစ်စေတဲ့ စကားကို မပြောဖြစ်ဖို့ ကိုယ့်ကိုယ်ကို သတိထားစရာလည်း ဖြစ်သွားပါတယ်။ အိပ်မပျော်တာကလည်း လူကို တော်တော်ဒုက္ခပေးတာပါ။ ညအိပ်ခါနီး ပြင်းထန်တဲ့မကျေနပ်စိတ် ဖြစ်လာတဲ့အခါ အိပ်ဆေးသောက်ပေမယ့်လည်း အိပ်ပျော်ချင်မှ ပျော်တာပါ။ တရားမှတ်ဖို့ကျတော့လည်း ခက်နေတတ်ပါတယ်။ မကျေနပ်စိတ်ကလေးက ရင်ထဲမှာငွေ့ငွေ့, ငွေ့ငွေ့နဲ့ လောင်နေတာပါ။ ဒီတော့ အိပ်မရတော့ပါဘူး။ အဲဒီအချိန်များ အသက်ထွက်သွားခဲ့ရင်တော့ ဒုက္ခပါပဲ။

♦ သာမန်အိပ်မပျော်ရင်တောင် တွေးမိတွေးရာ လျှောက်တွေးနေပြီး အတွေးဆိုးတွေကို တွေးမိနေတတ်ပါတယ်။ အတွေးဆိုးတွေ တွေးဖြစ်နေတာဟာ နေရင်းထိုင်ရင်း အိပ်ရာပေါ်မှာ အကုသိုလ်တွေ မဖြစ်ချင်ဘဲနဲ့ဖြစ်ဖြစ်နေရတဲ့သဘောပါ၊ မတန်ပါဘူး။ လူကို တော်တော်ဒုက္ခပေးတဲ့ ညတစ်ညပါပဲ။ နောက်ဆုံးတော့လည်း ကိုယ်ဖြစ်နေတဲ့ဒုက္ခကိုပဲ အာရုံပြုပြီး နောင်ကိုယ်ပြောမယ့် စကားတွေအတွက် သတိထားစရာအဖြစ်ပဲ အမြတ်ထုတ်ရတော့မှာပါ။

♦ လူဆိုတာကတော့ ကိုယ့်အာရုံလေးတွေနဲ့ကိုယ် လွင့်နေကြတာပါပဲ။ တချို့က ပရဟိတ လုပ်နေတာလေးတွေနဲ့ လွင့်နေတယ်။ တချို့က မနက်စောစော ငှက်စာ ကျွေးတာလေးတွေနဲ့ လွင့်နေတယ်။ တချို့ကျ ခွေးစာကျွေးတာ၊ ပန်းပင်စိုက်တာ၊ ခရီးသွားတာ၊ စာသင်တာ၊ သွေးလှူတာ၊ လက်ကိုင်ပဝါလေးခေါက် ရေမွှေးဆွတ်ပြီး မြတ်စွာဘုရားကို ပူဇော်တာ။ မြတ်စွာဘုရားကို ကြာပန်းကပ်တာ၊ နှင်းဆီပန်းကပ်တာ စသည်ဖြင့် ကိုယ့်အာရုံလေးတွေနဲ့ ကိုယ် လွင့်နေကြတာပါပဲ။

♦ မနက်စောစော ငှက်ကလေးတွေ အစာကျွေးနေတဲ့အချိန်လေးဟာ ကိုယ့်အတွက် တဒင်္ဂအေးချမ်းမှုလေးပါ။ တစ်ဖက်က စိတ်အေးချမ်းမှုတွေ ဖြစ်နေသလို တစ်ဖက်ကလည်း ပါရမီကုသိုလ်တွေ ဖြစ်နေတာပါ။ တကယ့်ကို ကျေနပ်စရာအချိန်လေးပါ။ ကိုယ်နှစ်သက်တဲ့ ရေမွှေးလေးဝယ်ပြီး လက်ကိုင်ပဝါလေးခေါက်ပြီး ရေမွှေးဆွတ် ညစဉ် မြတ်စွာဘုရားကို ပူဇော် ရတာလေးကလည်း တဒင်္ဂအေးချမ်းမှုလေးပါပဲ။ GUCCI တလှည့်၊ Calvin Klein တလှည့်၊ CHANEL တလှည့် စသည်ဖြင့် တံဆိပ်တစ်မျိုးဆီ ပြောင်းပြောင်းဝယ်ပြီး ပူဇော်လည်း ကျေနပ်စရာပါပဲ။ အထူးသဖြင့်တော့ ကိုယ်လွင့်နေတဲ့ အာရုံလေးတွေက တစ်ဖက်လူကို အိပ်မပျော်မဖြစ်စေဖို့ပါဘဲ။ ကိုယ်ကတော့ ပျော်နေ ကျေနပ်နေပြီး တစ်ဖက်လူမှာတော့ ကိုယ့်ရဲ့ လွင့်မျောမှုကြောင့် အိပ်မပျော် ဖြစ်နေပြန်ရင်လည်း အဆင်မပြေပါဘူး။

♦ ဘဝတစ်ခုရဲ့ ဝင်သက်ထွက်သက်တွေက ပင်ပန်းတဲ့ ရှူရှိုက်မှုတွေပဲ များပါတယ်။ ဝင်သက်ထွက်သက် တချို့ကိုတော့ ခဏပဲဖြစ်ဖြစ် အေးချမ်းတဲ့ ရှူရှိုက်မှုလေးတွေအဖြစ် အတွေးအသိလေးနဲ့ ရှာရမှာပါ။ တကယ့်ဘဝတိုတိုလေးမှာ အချိန်မရွေး သေသွားနိုင်တယ် ဆိုတော့ မသေခင်လေးမှာ စိတ်ပူလောင်မှုတွေ နည်းနိုင်သမျှ နည်းပြီး အေးအေးချမ်းချမ်းနဲ့ ဘဝကိုဖြတ်သန်းသွားနိုင်ဖို့ပါပဲ။

♦ တကယ်တော့ နာရီဝက်တရားထိုင်ချိန်လေးဟာ ကိုယ့်ဘဝရဲ့အေးချမ်းရာ သီးခြား ကမ္ဘာလေးတစ်ခုပါ။ ကိုယ့်ရဲ့တစ်ဘဝ တစ်ကမ္ဘာလေးထဲမှာ အဖေါ်ဆိုလို့ အရှုခံအာရုံရယ် ရှုသိစိတ်ရယ်ပဲ ရှိပါတယ်။ ဘယ်သူမှမရှိပါဘူး။ ဘယ်သူမှမရှိတဲ့အတွက် အေးချမ်းနေပါတယ်။ တကယ့်ကိုယ့်ရဲ့ ကိုယ်ပိုင်အေးချမ်းရာ ကမ္ဘာလေးတစ်ခုပါ။

ဘာပဲပြောပြောလေ၊ တဒင်္ဂအေးချမ်းဖို့ မနက်ပိုင်းလေးမှာ နေ့စဉ် နာရီဝက်လေး တရားထိုင်ဖြစ်ဖို့ပါပဲလေ။

ဓမ္မရဝေတောရဆရာတော် အရှင်ရာဇိန္ဒ (ရဝေနွယ်-အင်းမ)

ကျမ်းကိုး
၁။ ထေရီဂါထာအဋ္ဌကထာနိဿယ၊ ဒေါ်ကုသလဝတီ။
၂။ ထေရီဘာသာပြန်၊ လယ်တီပဏ္ဍိတဦးမောင်ကြီး။
၃။ ထေရီထေရာ ရဟန္တာပုဂ္ဂိုလ်ကြီးများ၊ ဝဏ္ဏသီရိ။
၎။ ထေရီထေရာ၊ လေးမြိုင်။

News Watch စောင့်ကြည့်သတင်းဂျာနယ်၊

bwar99.blogspot.com

Top of Form