ကိုယ့်ကိုယ်ကို အမြင်မှန်ဖို့
♣♣♣♣♣♣♣♣♣♣
နံနက်မိုးလင်းကနေ
ညအိပ်ရာဝင်ထိ
တစ်နေ့တာ
ဖြတ်ကျော်လာတဲ့
ငါ့ရဲ့ဘ၀ဟာ
တစ်နေ့တာ အချိန်အတွင်း -
“သူများ အသက်ကို သတ်မိသလား၊
သူများ ဥစ္စာကို မပေးဘဲနဲ့ ယူမိတာ ရှိသလား၊
သူများ သားမယားကို စိတ်နဲ့ ပစ်မှားမိတာရော
ရှိလား၊
လိမ်ပြီး ပြောမိသလား၊ ရိုင်းပြဆဲရေးတဲ့စကား
ပြောမိသလား” လို့
ကိုယ့်ကိုယ်ကို
ပြန်စစ်၊
“သူများပစ္စည်းကို ကိုယ့်ပစ္စည်း ဖြစ်လိုမှု
လောဘနဲ့ တွေးမိသလား၊
လူတစ်ဦး တစ်ယောက်ကို
ပျက်စီးအောင် တွေးမိသလား၊
ကံ ကံ၏အကျိုးကို ယုံကြည်မှုကင်းမဲ့တဲ့
အတွေးအမြင်များ ပေါ်မိသလား”
ကိုယ့်ကိုယ်ကို
အမှန်အတိုင်း
ဆန်းစစ်ကြည့်ဖို့
လိုတယ်။
ဒီလို ဆန်းစစ်
ကြည့်ရင် ကိုယ်လုပ်တဲ့ အလုပ်တွေ
ရှင်းရှင်း
လင်းလင်း ပေါ်လာလိမ့်မယ်
ပေါ်လာတဲ့ အခါကျရင် မကောင်းတဲ့ အကုသိုလ် အလုပ်တွေ
လုပ်မိခဲ့ရင်
ပြောင်းလုပ်ဖို့၊ ကောင်းတာ လုပ်မိရင် ဆက်လုပ်ဖို့၊
ကိုယ့်ကိုယ်ကို
အားကိုးတယ်ဆိုတာ အဲဒါကို ပြောတာ။
မကောင်းတာ
လုပ်မိရင် ကိုယ့်ကိုယ်ကို ဆုံးမရတယ်
“ဒါမျိုး မလုပ်နဲ့” လို့၊ လူဆိုတာ ဘာပဲဖြစ်ဖြစ်
သူများကျ
ပြောတတ်တယ်၊
ကိုယ့်ကိုယ်ကို
ကျတော့ ခွင့်လွှတ်တတ်တယ်။
ဆိုပါစို့
- ပန်းကန်လေး လွတ်ကျ သွားရင်
သူများကျ
နမော်နမဲ့ နိုင်တယ်တဲ့၊ ကိုယ့်ကျတော့ မတော်တဆတဲ့၊
ကိုယ့်ကိုယ်ကျတော့
ခွင့်လွှတ်ရင်
သူများကိုလည်း
ခွင့်လွှတ်တတ်အောင် ကြိုးစားကြရမယ်၊
ခုတော့ သူများလည်း
မတော်တဆ၊
ကိုယ်လည်း
မတော်တဆ၊ အဲဒီလို မထားနိုင်ဘူး။
“သူက ဒီလိုချည်းပဲ၊ ငါက ဂရုစိုက်တယ်၊ သူက ဂရုမစိုက်ဘူး”
အဲဒါ ဘာပြုလို့လဲ ဆိုတော့ လူရဲ့သဘာဝက
ကိုယ့်ကိုယ်ကို
ဦးစားပေးချင်တဲ့ သဘောရှိလို့၊
အဲဒီလို ကိုယ့်ကိုယ်ကို
အမှန်မြင်ဖို့ လိုအပ်တယ်။
ပါမောက္ခချုပ်ဆရာတော်
ဒေါက်တာအရှင်နန္ဒမာလာဘိဝံသ
(အတ္တာ ဟိ
အတ္တနော နာထော တရားတော်မှ)
bwar99.blogspot.com
No comments:
Post a Comment