တဒင်္ဂထဲက တစ်ခဏဘဝ
~~~~~~~~~~~~~~~~~~~~~~~~~
မသိနိုင်သည့် တစ်နေ့နေ့မှာ
သေကြရမှာ သိနေကြလျက်
ဘာဖြစ်လို့ တစ်ဦးနှင့်တစ်ဦး
မုန်းနေကြပါလိမ့်။
ဘာဖြစ်လို့ ဣဿာမစ္ဆရိယတွေ
ထားနေကြပါလိမ့်။
ဘဝတစ်ခုမှာ တဒင်္ဂလေး
တွေ့ကြခြင်းဖြစ်သည်။
တဒင်္ဂထဲက တစ်ခဏဘဝလေးမှာ
အချစ်တွေနှင့်သာ
နေလိုက်ဖို့ ကောင်းသည်။
စိတ်ကောက်လိုက်၊ ဝန်တိုလိုက်၊
မုန်းလိုက်၊ နာကြည်းလိုက်နှင့်
ဘဝကို အချိန်ကုန်မသွားချင်ပါ။
ကိုယ်လည်း အရင်သေသွားနိုင်သလို၊
သူလည်း အရင်သေသွားနိုင်သည်။
တကယ်တွက်ကြည့်လျှင်
နေရမယ့်အချိန်က ဘာမှမကျန်တော့၊
မသေခင်မှာ အချစ်တွေနှင့်သာ
နေသင့်ပါသည်။
အရာရာ အချစ်နှင့်တွေး၊ အချစ်နှင့်ပြော၊
အချစ်နှင့်ပြုနေလျှင်
သက်ရောက်မှုအားလျော်စွာ
ဝန်းကျင်ကလည်း ကိုယ့်ကို အချစ်နှင့်
ပြန်တုံ့ပြန်နေပါလိမ့်မည်။
ဆရာတော် အရှင်ရာဇိန္ဒ (ရဝေနွယ်-အင်းမ)
(အမြဲစီးဆင်းနေသော မြစ်တစ်စင်းအကြောင်း စာအုပ်မှ)
www.bwar99.blogspot.com
No comments:
Post a Comment