လောကဓံကို ရင်ဆိုင်ဖို့ စိတ်ဓာတ်ကြံ့ခိုင်စို့
----------------------------------------------
♦ သစ်ပင်တစ်ပင်ဟာ ကြံ့ခိုင်မှု အားနည်းလေလေ၊ မုန်းတိုင်းဒဏ်
ခံရလေလေ၊ နောက်ဆုံး မခံနိုင်တော့ ဘာဖြစ်သွားမလဲ? ပြိုလဲသွားတယ်။ ကျောက်သားအပြည့် ရှိနေတဲ့
တောင်ကြီးတွေကျတော့ လေမုန်းတိုင်း သေးသေးလေးတိုက်လည်း မလှုပ်ဘူး။ ပြင်းပြင်းထန်ထန်ကြီးတိုက်လည်း
မလှုပ်ဘူး။ ကြံ့ခိုင်နိုင်တယ်။
♦ မြတ်စွာဘုရားက လောကဓံနဲ့ ပတ်သက်လာလို့ရှိရင်
အဲဒီကျောက်အတိပြီးတဲ့ တောင်ကြီးလို ကြံ့ခိုင်တဲ့စိတ်ထားမျိုး ရအောင်မွေးရမယ်လို့ ဟောတာနော်။
လောကဓံကို ရှောင်ကွင်းရမယ်လို့ မဟောဘူး။ ဖြစ်လည်း မဖြစ်နိုင်ဘူး။ လောကကြီးက ထွက်ပြေးလို့လည်း
မရဘူး။ တချို့ကထင်တယ် လောကဓံနဲ့ တွေ့လို့ လောကကြီးက ထွက်ပြေးရင် လွတ်မြောက်သွားမယ်။
အဲဒီအတွေးမျိုး တွေးတဲ့သူက ဘာပြောသလဲဆိုရင် `သေ,အေးတာပဲ`
လို့ ပြောကြသေးတယ်နော်။ ဘယ်အေးမလဲ၊ သေတဲ့နောက်မှာ ပိုဆိုးဦးမယ်။
♦ ခုရရှိထားတဲ့ လက်ရှိဘဝလေးက ဘုရားမှန်း, တရားမှန်း,
သံဃာမှန်း သိသေးတယ်။ တရား အားထုတ်လို့ ရသေးတယ်။ သေသွားပြီးတဲ့နောက် ဘယ်ရောက်မှန်းလည်း
မသိဘဲနဲ့၊ ဘယ်လိုလုပ် အေးမလဲနော်။ မအေးနိုင်ဘူး။ နောက်ဘဝ ပိုပြီးတော့ စိတ်မအေးရသေးတယ်။
ဘာဖြစ်လို့ စိတ်မအေးရသလဲ?။ Warranty မှ
မရှိသေးတာပဲ။ ကိုယ့်မှာ Warranty ရှိနေသေးရင်
တော်သေးတာပေါ့နော်။ အေး ဒါကြောင့်မို့ ကိုယ်လုပ်ရမယ့် အလုပ်က ဘာတုန်းဆိုရင် စိတ်ဓာတ်
ကြံ့ခိုင်အောင် လုပ်ဖို့ပဲ။
ပါမောက္ခချုပ်ဆရာတော်
ဒေါက်တာအရှင်နန္ဒမာလာဘိဝံသ
(လောကဓံမုန်းတိုင်းများ နှင့် ကြံ့ခိုင်သည့်စိတ်ထား
တရားတော်မှ ကောက်နှုတ်ပူဇော်ပါသည်)
bwar99.blogspot.com
No comments:
Post a Comment