ဆရာတော် အရှင်ရာဇိန္ဒ (ရဝေနွယ်-အင်းမ)

ကျေးဇူးပြု၍ အမျှဝေပါ

**********************

တစ်ခါတုန်းက ဘုရားအလောင်းဟာ သူဋ္ဌေးမျိုးမှာ ဖြစ်ပါတယ်။

ဘုရားအလောင်းမှာ ညီတစ်ယောက်လည်း ရှိပါတယ်။ မိဘတွေ ကွယ်လွန်တော့ ညီအစ်ကိုနှစ်ယောက် စီးပွားရေးကို

အတူတူလုပ်ကြပါတယ်။

တစ်နေ့မှာတော့ ညီအစ်ကိုနှစ်ယောက် ကုန်ရောင်းကုန်ဝယ်လုပ်ဖို့ ရေလမ်းခရီးနဲ့ ခရီးထွက်ခဲ့ရင်း အပြန်မှာတော့ ငွေတစ်ထောင် အမြတ်ရခဲ့ပါတယ်။ မြစ်ဆိပ်တစ်ခုရောက်တော့ လှေကို

ခဏဆိုက်ပြီး ထမင်းအတူတူ စားကြပါတယ်။

ဘုရားအလောင်းက ထမင်းစားကြွင်းတွေကို ငါးလိပ်တွေကို

ကျွေးပြီး ''ဤငါးလိပ်တွေကို အစာကျွေးရသော

ကုသိုလ်ကောင်းမှုကို မြစ်စောင့်နတ်အား အမျှပေးဝေပါ၏။ အမျှ အမျှ ယူတော်မူပါ''လို့ မြစ်စောင့်နတ်ကို အမျှပေးဝေလိုက်ပါတယ်။

မြစ်စောင့်နတ်လည်း သာဓုခေါ်လိုက်တဲ့ ကုသိုလ်ကြောင့် ချက်ချင်း စည်းစိမ်တွေ တစ်ဆင့်တိုးသွားပါတယ်။ သာဓုခေါ်မှုကြောင့်

ဒီစည်းစိမ်တွေ တိုးလာရတယ်ဆိုတာလည်း သိလိုက်ရပါတယ်။

ဘုရားအလောင်းကတော့ အမျှဝေပြီး သဲသောင်ပြင်မှာ

ပုဆိုးခင်းအိပ်နေလိုက်ပါတယ်။

ညီကတော့ မအိပ်နိုင်ပါဘူး။ ကောက်ကျစ်တဲ့ အကြံကိုကြံပြီး အသပြာထုပ်နဲ့ပုံစံတူ ကျောက်ခဲထုပ် တစ်ထုပ်ကို ထုပ်ထားလိုက်ပါတယ်။

ညီအစ်ကိုနှစ်ယောက် ခရီးဆက်ကြရင်း မြစ်လယ်ရောက်တော့

ညီကလှေအစောင်းမှာ အသပြာထုပ်ရေထဲကျတဲ့ပုံစံနဲ့

ကျောက်ခဲထုပ်ကို ရေထဲချလိုက်ပါတယ်။ တကယ်တမ်း

ချမိလိုက်တာက ကျောက်ခဲထုပ် မဟုတ်ဘဲ အသပြာထုပ် ဖြစ်နေပါတယ်။ ဒါကို ညီက မသိပါဘူး။ ပြီးတော့ အလန့်တကြားဟန်နဲ့ ''အသပြာထုပ် ရေထဲ ကျသွားပြီ''လို့

အစ်ကိုကို လှမ်းပြောပါတယ်။ အစ်ကိုက ''ဘယ်တတ်နိုင်မလဲ ညီလေးရာ'' ဆိုပြီး ညီကို ဖြေသိမ့်ပေးပါတယ်။

အဲဒီအချိန်မှာ ငါးကြီးတစ်ကောင်က အသပြာထုပ်ကို

မျိုလိုက်ပါတယ်။ ညီလုပ်သူက အိမ်ရောက်တဲ့အခါ အားရဝမ်းသာနဲ့ အထုပ်ကိုဖြေလိုက်တာ အသပြာမတွေ့ဘဲ ကျောက်ခဲတွေ

တွေ့လိုက်ရတော့ နှလုံးချောက်ချားပြီး ခုတင်ပေါ်မှာ

ခွေအိပ်နေပါတော့တယ်။

တံငါသည်တွေက ကွန်ပစ်တော့ အသပြာထုပ်ကိုမျိုထားတဲ့

ငါးကြီးကို မိပါတယ်။ မြစ်စောင့်နတ်က ''အစ်ကိုလုပ် သူ အမျှဝေလို့ ငါ့မှာစည်းစိမ်တွေ တိုးရတယ်။ ငါပြန်စောင့်ရှောက်မှပဲ'' ဆိုပြီး ငါးရောင်းတဲ့တံငါသည်တွေကို ဘုရားအလောင်း အိမ်ရှေ့ရောက်အောင် နတ်တန်ခိုးနဲ့ပို့ပေးပါတယ်။ ဘုရားအလောင်းက

ငါးကိုဝယ်ပြီး မယားကိုပေးပါတယ်။ ငါးဗိုက်ကို ခွဲလိုက်တဲ့အခါ

အသပြာထုပ်ကို တွေ့လိုက်ရပါတော့တယ်။

မြစ်စောင့်နတ်ကလည်း ကိုယ်ထင်ရှားပြပြီး ''သင် အမျှဝေလို့

ငါကပြန်စောင့်ရှောက်တာပါ။ သင်ပဲ ယူပါ၊ ညီကို မပေးပါနဲ့'' လို့ လာပြောပါတယ်။

ဒါပေမယ့် ဘုရားအလောင်းကတော့ တစ်ထောင်ထဲက

ငါးရာကိုခွဲပြီး ညီငယ်ဆီကို သွားပေးခိုင်းလိုက်ပါတယ်။

(ငါးရာငါးဆယ်ဇာတ်ဝတ္တု၊ မစ္ဆုဒ္ဒါနဇတ်)

အားလုံးကြားဖူးတဲ့ ဝတ္တုလေးပါပဲ။ ဘုရားအလောင်းက

စားကြွင်းတွေကို ဒီအတိုင်းစွန့်မပစ်ဘဲ ငါးလိပ်တွေကို ကျွေးပြီး

မြစ်စောင့်နတ်ကို အမျှဝေလိုက်တာလေးက တကယ့်ကို

အတုခိုးစရာလေးပါပဲ။ ဘုရားအလောင်းက ငါးလိပ်တွေကျွေးတဲ့

ဒါနကုသိုလ်ရော၊ မြစ်စောင့်နတ်ကို အမျှဝေတဲ့

ပတ္တိဒါနကုသိုလ်ရော ကုသိုလ်နှစ်ခုကို အေးအေးဆေးဆေးနဲ့

ယူသွားတာပါ။

သာဓုခေါ်လိုက်ရတဲ့ မြစ်စောင့်နတ်မှာလည်း လက်ရှိစည်းစိမ်ထက် တစ်ဆင့်တိုးသွားတာလေးကလည်း မှတ်သားစရာလေးပါပဲ။

ကိုယ်ကမမြင်ရလို့သာပါ။

ဘုရားအလောင်းရဲ့ အမျှဝေပုံလေးကို အတုယူပြီး နတ်တွေကို

အမျှဝေတဲ့အကျင့်လေးကို ထုံထားရမှာပါ။ ကိုယ့်ရဲ့

အမျှပေးဝေမှုကြောင့် နတ်တွေမှာစည်းစိမ်တွေ တိုးတိုးနေမှာပါ။

စည်းစိမ်တွေ တိုးတိုးနေတဲ့နတ်တွေကလည်း သူတို့

စည်းစိမ်တိုးတာတွေကို သေချာမှတ်ထားမှာပါ။ အခွင့်သင့်တဲ့ အခါတွေမှာ မထင်မှတ်တဲ့အနေနဲ့ ကူညီသွားမှာပါ။

တစ်ခါတလေ ဘဝမှာမထင်မှတ်တဲ့ ကောင်းကျိုးတွေဖြစ်တတ်ပါတယ်။ ကိုယ့်ကိုကိုယ်လည်း

''ငါကံကောင်းလိုက်တာ´´ လို့ တွေးမိချင် တွေးမိကြမှာပါ။ အမျှရထားတဲ့ နတ်တွေက ကိုယ့်ကိုကူညီလိုက်တာတွေလည်း

ဖြစ်နိုင်ပါတယ်။ မထင်မှတ်တဲ့ ဘေးရန်တွေကို

တားဆီးပေးလိုက်တာတွေ၊ အောင်မြင်ကျော်ကြားအောင်

ကူညီလိုက်တာတွေ၊ ဂုဏ်သိက္ခာ မထိခိုက်အောင်

ကူညီလိုက်တာတွေ စသည်ဖြင့်အများကြီးရှိမှာပါ။ ကိုယ်က

မသိနိုင်လို့ပါ။

ရှေးရှေးသူတော်ကောင်းတွေရဲ့ အလေ့အကျင့်တွေ၊

လက်ရှိမျက်မှောက် သူတော်ကောင်းတွေရဲ့ အလေ့အကျင်တွေကိုလေ့လာပြီး အတုခိုးကျင့်ရမှာပါပဲ။ တချို့အရာတွေက ခက်ပေမယ့် တချို့အရာတွေကတော့ မခက်ပါဘူး။ သူလို ငါလို လုပ်နိုင်တဲ့

ကျင့်စဉ်လေးတွေပါ။

စားပြီးပိုတဲ့စားကြွင်းကို ဒီအတိုင်းမစွန့်ပစ်ဘဲ ငါးလိပ်တွေကို

ကျွေးလိုက်တာလေးရယ်၊ ကျွေးရုံတင်မကဘဲ မြစ်စောင့်နတ်ကို

အမျှပေးဝေလိုက်တာလေးရယ်က အတုခိုးချင်သူတွေအတွက်

တကယ့်အတုခိုးစရာလေးပါ။ ကြောင်းကျိုးမြင်အောင် အနိစ္စ ဒုက္ခ အနတ္တမြင်အောင် ကျင့်ရတာတွေသာ ခက်ချင်ခက်မှာပါ။

အမျှပေးဝေလိုက်တာလေးကတော့ လူတိုင်း ကိုယ်စီလုပ်နိုင်တဲ့ ကျင့်စဉ်လေးပါ။

လေ့ကျင့်ရင်းထုံ၊ ထုံရင်းလေ့ကျင့်သွားရမှာပါပဲ။ ထုံလို့ စွဲသွားပြီဆိုရင်တော့ နောက်ပိုင်းမှာ အထူးကြောင့်ကြစိုက်စရာ မလိုတော့ပါဘူး။ ကုသိုလ်တစ်ခုပြုပြီးတာနဲ့ နတ်တွေကို

အမျှပေးဝေပြီးသား ဖြစ်နေပါလိမ့်မယ်။

ဘုရားအလောင်းရဲ့ ကုသိုလ်လေးက တကူးတက ပြုယူရတဲ့

ကုသိုလ်လေးမဟုတ်ပါဘူး။ ခရီးသွားရင်း ကြုံလာတဲ့ အရာလေးကို ကြုံလာတဲ့အတိုင်း အေးအေးဆေးဆေးယူသွားတာပါ။

ကျောင်းတွေသိမ်တွေဆောက်ပြီး အမျှပေးဝေတာတောင် မဟုတ်ပါဘူး။ ပြောရရင် လူတန်းစားအားလုံး

အလွယ်တကူပြုနိုင်တဲ့ ကုသိုလ်လေးပါ။ ကုသိုလ်လေးက

တစ်ခုတောင် မဟုတ်ပါဘူး။ နှစ်ခုတောင်ပါ။ ခရီးကတော့ လူတိုင်းသွားနေကြတာပါပဲ။ ကြုံလာရင် ကြုံလာတဲ့အတိုင်း ယူတတ်ဖို့ပါ။ လှေပေါ်မှရယ်မဟုတ်ပါဘူး။ လေယာဉ်ပေါ်မှာလည်း

ကိုယ့်လာပေးတဲ့စားစရာကို ဘုရားကပ်ပြီး အမျှပေးဝေလို့လည်းရတာပါပဲ။ တောလမ်းပဲသွားသွား၊

ကုန်းလမ်းပဲသွားသွား၊ ရေလမ်းပဲသွားသွား ကြုံလာတဲ့ခရီးမှာ

ကြုံလာတဲ့ကုသိုလ်လေးတွေကို ကြုံသလို ယူတတ်ဖို့ပါ။

ကုသိုလ်ပြုပြီးလို့ အမျှဝေတဲ့အခါ မတ်တတ်ရပ် လက်အုပ်လေးချီပြီး ''ဤငါးလိပ်တွေကို ကျွေးရသော ကုသိုလ်ကောင်းမှုကို

ကိုယ်စောင့်နတ်၊ တောစောင့်နတ်၊ မြို့စောင့်နတ်၊

သစ်ပင်စောင့်နတ်တို့အား အမျှပေးဝေပါ၏။ အမျှ အမျှ

ယူတော်မူပါ'' လို့ သေချာပေးဝေရမှာပါ။ လက်အုပ်ချီတာက နတ်တွေကိုချီတာ မဟုတ်ပါဘူး။ အမျှဝေတာကတော့ ကိုယ်ရောက်နေတဲ့ ဒေသကိုကြည့်ပြီး အဆင်ပြေသလို ဝေရမှာပါပဲ။တောထဲရောက်နေရင် တောစောင့်နတ်၊ တောင်ပေါ်ရောက်နေရင် တောင်စောင့်နတ်၊ သစ်ပင်အောက်ရောက်နေရင်

သစ်ပင်စောင့်နတ်ပေါ့။

ဒါကမမြင်ရတဲ့ပုဂ္ဂိုလ်တွေကို အမျှဝေတာပါ။ ဒီလိုပါပဲ

မြင်ရတဲ့ကိုယ့်ရဲ့ မိတ်ဆွေတွေကိုလည်း အမျှ ဝေရမှာပါ။ အမျှဝေလိုက်ရင် ကိုယ်လည်း ကုသိုလ်ထပ်ရ၊ ကိုယ့်မိတ်ဆွေလည်း ကုသိုလ်ရတော့တာပါ။

မြင်ရတဲ့သူတွေကို အမျှဝေတဲ့နေရာမှာတော့ လူတိုင်းကတော့

ဝမ်းမြောက်ဝမ်းသာနဲ့ ခေါ်ချင်မှ ခေါ်မှာပါ။ မဝမ်းမြောက် မဝမ်းသာနဲ့ ခေါ်တဲ့လူတွေလည်း ရှိချင်ရှိမှာပါ။ သာဓုခေါ်ရတဲ့ အကျိုးကို သိထားတဲ့သူတွေကသာ ဝမ်းမြောက်ဝမ်းသာနဲ့ခေါ်မှာပါ။ဘာပဲပြောပြော ကိုယ်က ကိုယ်ပြုတဲ့ကုသိုလ်ကို အမျှပေးဝေရင်

ကိုယ်ကုသိုလ်ထပ်ရတာ တော့ အမှန်ပါပဲ။ ဒါပေမယ့်

ကြွားတဲ့အနေနဲ့ အမျှမဝေမိဖို့တော့ အထူး သတိထားရပါမယ်။ ကိုယ်ကုသိုလ် ထပ်ရချင်တဲ့စိတ်၊ သူကုသိုလ်ရစေချင်တဲ့စိတ်နဲ့

ဝေရမှာပါ။ ကိုယ့်စိတ်ကိုယ်ပြန်ကြည့်ရင် သိပါတယ်။

အကြွားကတော့ လူတိုင်းနဲ့ နီးစပ်နေသလိုပါပဲ။ သတိထားနိုင်မှ တော်ကာကျတာပါ။ တစ်ခါတစ်လေ စကားပြော ရင်းပြောရင်းနဲ့ ကိုယ့်စကားကိုယ် ဘရိတ်မအုပ်နိုင်ဘဲ အကြွားဖြစ်သွားတာတွေလည်း ရှိတတ်ပါတယ်။ ဒါဆို အမျှဝေတာမဟုတ်ဘဲ အကြွားဝေတာ ဖြစ်သွားပါလိမ့်မယ်။

တချို့ကျတော့လည်း ကြွားတာကို ဝါသနာတစ်ခုလို ဖြစ်နေတာပါ။ စကားပြောလိုက်တာနဲ့ အကြွားလေးက ပါလိုက်ရမှပါ။ ကြာလာတော့ နားထောင်ပေးရတဲ့သူက နားမထောင်ချင်တော့ပါဘူး။ စကားစလိုက်တာနဲ့ သူကြွားတော့မယ်ဆိုတာ ကြိုသိနေတော့တာပါ။ အကြွားစွဲနေတဲ့ သဘောလေးပါ။

အကြွားစွဲသွားရင်လည်း မကောင်းပြန်ပါဘူး။ စကား

ပြောတိုင်းပြောတိုင်း အကြွားက ပါနေတော့မှာပါ။

ဒါတင်မကပါဘူး။ အထုံဓာတ်ကြောင့် နောက်ဘဝအထိလည်း

ပါသွားနိုင်ပါတယ်။ လူတွေက အမျှဝေတာကိုပဲ ယူချင်ကြတာပါ။ အကြွားဝေတာကိုတော့ မယူချင်ကြပါဘူး။

ပုထုဇဉ်တွေဆိုတော့ အကြွားနဲ့တော့ မကင်းကြပါဘူး။

စာရေးသူလည်း တစ်ခါတစ်လေ အမျှမဝေဘဲ အကြွား

ဝေမိတတ်ပါတယ်။ တစ်ပတ်ဆယ်ရက်ကြာတဲ့အခါ

ကိုယ်ဝေထားတဲ့အကြွားကို ပြန်စဉ်းစားလိုက်ရင်

ဘာမှမဟုတ်တော့ပါဘူး။ ရက်ကြာလေ ဘာမှ မဟုတ်လေပါဘဲ။ နောက်ဆုံးတော့ ကိုယ့်အကြောင်း သူများသိတာပဲ

အဖတ်တင်ပါတယ်။

တကယ်လို့ အကြွားဝေတတ်တဲ့ အထုံစွဲနေရင်လည်း နောက်ဘဝအထိပါမသွားအောင် စကားပြောတိုင်းပြောတိုင်း

သတိကပ်ပြီး ပြန်လေ့ကျင့်ယူရပါမယ်။ ဒါကြောင့်

ဆရာတော်ကြီးတွေက ''စကားပြောတဲ့အခါ

အကြွားလည်းမပါစေနဲ့၊ အမှားလည်း မပါစေနဲ့'' လို့ မိန့်တာပါ။ စကားများများပြောရင် အကြွားတွေလည်းပါတတ်သလို အမှားတွေလည်း ပါတတ်ပါတယ်။ စကားတွေ တအားပြောနေရင် အမှားတွေ ပါတတ်တာ မဆန်းတော့ပါဘူး။

တစ်ခါတစ်လေကျတော့လည်း အစမှာတော့ ဝမ်းသာစိတ်နဲ့ အမျှဝေတာပါပဲ။ ဒါပေမဲ့ ပြောရင်းပြောရင်းနဲ့ သတိလွတ်ပြီး

အမျှဝေတာကနေ အကြွားဝေတာ ဖြစ်သွားရတာပါ။ ဘာမှ မစိုးရိမ်ပါနဲ့။ ပြန်လေ့ကျင့်ယူရင် ရတာပါပဲ။

အမျှဝေတာလည်း ကုသိုလ်ပါပဲ။ သာဓုခေါ်တာလည်း ကုသိုလ်ပါပဲ။ ကိုယ်ကဒါလေးကို အာရုံပြုထားဖို့ပါ။ မင်းကွန်းတိပိဋက

ဆရာတော်ဘုရားကြီးက မဟာဗုဒ္ဓဝင်မှာ သီလဆောက်တည်ပြီးမှ ဒါနပြုရင် ပိုပြီး အကျိုးရနိုင်တယ်လို့ မိန့်မှာထားပါတယ်။

ဆရာတော်ဘုရားကြီးရဲ့စကားလေးကိုနှလုံးသွင်းပြီး သီလယူပြီးမှ ဒါနပြုရင်ပိုကောင်းပါတယ်။ သံဃာတော် အရှင်သူမြတ်တွေရှိရင် သီလပေးမှာဖြစ်လို့ ကိစ္စမရှိပေမယ့် ကိုယ့်ဟာကိုယ်

တစ်ယောက်တည်းပြုရတဲ့ ဒါနတွေမှာတော့ ငါးပါးသီလလေးကို

အရင်ယူပြီးမှ ဒါနလေးတွေ ပြုပြုသွားဖို့ပါ။ သီလယူလိုက်ရင်ပဲ

စိတ်ဓာတ်က အလိုလိုမြင့်သွားသလို ခံစားရ ပါတယ်။

ကုသိုလ်ကောင်းမှုတွေပြုပြီး နတ်တွေကိုအမျှပေးဝေရင်

နတ်တွေကလူတွေကို ပြန်စောင့်ရှောက်တယ်ဆိုတာ

မဟာပရိနိဗ္ဗာနသုတ်မှာလည်း မြတ်စွာဘုရားက ဂါထာလေးတွေနဲ့ သေချာဟောပြထားတာပါ။ နတ်တွေကိုအမျှဝေရင် ကိုယ့်အတွက်ကောင်းကျိုးဖြစ်စေတာတော့ အမှန်ပါပဲ။ ကိုယ်က သူတို့ကို မမြင်ရ မကြားရပေမယ့် နတ်တွေကတော့ ကိုယ်ပြုနေတာတွေ

ကိုယ်ပြောနေတာတွေကို မြင်နေကြားနေတာပါ။

သေးသေးဖွဲဖွဲ ကုသိုလ်လေးတွေကအစ နတ်တွေကို

အမျှပေးဝေရမှာပါပဲ။ ဘုရားအလောင်းပေးဝေလိုက်တဲ့ ဒါနလေးကတကယ့်သေးသေးလေးပါ။ သေးပေမယ့် သာဓုခေါ်ရတဲ့

နတ်မှာတော့ ကောင်းကျိုးကြီးကြီး ရသွားတော့တာပါ။

ကိုယ်အမျှပေးဝေလို့ စည်းစိမ်တိုးထားတဲ့နတ်တွေက ကိုယ့်ကို ပစ်မထားပါဘူး။ အခွင့်သင့်တဲ့တစ်နေ့မှာ ပြန်ကူညီမှာပါ။

ဒီတော့ ဘယ်ကုသိုလ်ပဲပြုပြု နတ်တွေကို အမျှပေးဝေတာတော့ အကောင်းဆုံးပါပဲ။ ဘုရားပန်းကပ်တာပဲဖြစ်ဖြစ်၊

ရေချမ်းကပ်တာပဲဖြစ်ဖြစ်၊ ဆီမီးပူဇော်တာပဲဖြစ်ဖြစ်

အမျှဝေလို့ရပါတယ်။ နောက်ဆုံးကိုယ့်မိတ်ဆွေကို

ကော်ဖီတိုက်တာလေးကိုလည်း အမျှဝေလို့ရတာပါပဲ။

ကုသိုလ်ပြုလို့လည်း ကောင်းကျိုးတွေဖြစ်၊ နတ်တွေကို

အမျှဝေလို့လည်း ကောင်းကျိုးတွေဖြစ်နဲ့ ကောင်းကျိုးတွေ ဆင့်နေတော့တာပါ။

''ကုသိုလ်မပြတ် ဖြစ်ပါစေ'' ဆိုတဲ့ မဟာစည်ဆရာတော်ဘုရားကြီးရဲ့ သြဝါဒအတိုင်း

ကုသိုလ်တွေမပြတ်ဖြစ်နေရင် အကုသိုလ်ဖြစ်ခွင့်လည်း

နည်းနေတော့တာပါ။ ကုသိုလ်ပြတ်ချိန်ကို အကုသိုလ်က

ချောင်ထဲက ချောင်းနေတာပါ။ ကုသိုလ်ပြတ်မှ သူက ဝင်လို့ ရမှာပါ။ ဒါကြောင့် ကုသိုလ်မပြတ် ဖြစ်နေရင် အကုသိုလ်ကို တားထာရာလည်း ရောက်ပါတယ်။

ဘာပဲပြောပြော ကုသိုလ်တွေ မပြတ်စေဘဲ ပြုတဲ့ကုသိုလ်တိုင်းကို

နတ်တွေကို အမျှပေးဝေလိုက်ဖို့ပါပဲလေ။

ဆရာတော် အရှင်ရာဇိန္ဒ

(ရဝေနွယ် -အင်းမ)

ကျမ်ကိုး

ပကိဏ္ဏကဝိသဇ္ဇနာကျမ်း (ပထမတွဲ)

လုံးတော်ဆရာတော်။

The Voice Journal

(2011.11.14)